جمهورباشقانی اردوغان مصرده مطبوعات کونفرانسیندا دانیشدی
"مین ایلی آشان، ایچ ایچه گئچمیش اورتاق بیر تاریخ و مدنیته صاحب تورکیه ایله مصر، بو کؤکلو میراثدان آلدیقلاری گوجله، ایلیشکیلرینی لایق اولدوغو سویه‌یه چیخارتما چاباسیندادیرلار"
جمهورباشقانی رجب طیب اردوغان، مصر ایله تورکیه‌نین مین ایلی آشان، ایچ ایچه گئچمیش اورتاق بیر تاریخ و مدنیته صاحب اولدوقلارینی سؤیله‌دی.
جمهورباشقانی اردوغان، رسمی سفر اوچون گئتدیگی مصرده، قونومداشی عبدالفتاح السیسی ایله باش باشا و هیئتلرآراسی گؤروشمه‌سینین آردیندان تشکیل ائدیله‌ن اورتاق مطبوعات کونفرانسیندا دانیشدی.
"مین ایلی آشان، ایچ ایچه گئچمیش اورتاق بیر تاریخ و مدنیته صاحب تورکیه ایله مصرین، بو کؤکلو میراثدان آلدیقلاری گوجله، ایلیشکیلرینی لایق اولدوغو سویه‌یه چیخارتما چاباسیندا اولدوقلارینی" وورغولایان اردوغان بونلاری قید ائتدی:
"دگرلی قارداشیمی، شورا ییغینجاغیمیزی گئرچکلشدیرمک اوزره ایلک فورصتده آنکارایا گؤزله‌دیگیمی سؤیله‌دیم. بو سفر، اینانیرام کی ایلیشکیلریمیزده یئنی بیر دؤنوش نقطه‌سی اولاجاق. تیجارت و اقتصاد، امکداشلیغیمیزین لوکوموتیوینی اولوشدورور. بو گونکیو موشاویره‌لریمیزده تیجارت حجمینی قیسا مدت ایچینده ۱۵ میلیارد دلارا چیخارماق اوچون آنلاشدیق. آیریجا ۳ میلیارد دلارا یاخینلاشان سرمایه‌لریمیزی ده آرتیرما عزمینده‌ییک. گؤروشمه‌لریمیزده بو ایستیقامتده آتابیله‌جگیمیز علاوه آددیملار حاقیندا فیکیر آلیش وئریشی ائتدیک.
ساوونما صنایعی چوخ جدی پتانسیله صاحب اولدوغوموز بیر باشقا ساحه‌دیر. مصر، ساوونما بؤلومونه اؤنملی سرمایه‌لر یاتیردیر. مصرله گوج بیرلیگینه گئده‌رک اورتاق پرویژه‌لر گلیشدیره‌جگیمیزه اینانیرام. ال‌ان‌جی، نۆوه و یئنیلنه‌بیلیر انرژی ساحه‌سینده امکداشلیغیمیزی گلیشدیرمه ایمکانلارینی دا دگرلندیریریک".
جمهورباشقانی اردوغان، مصر ایله توریزم، تحصیل و مدنیت ساحه‌لرینده ده وار اولان باغلاری داها دا گۆجلندیرمک آدینا چابا صرف ائد‌جکلرینی ایفاده ائتدی.
قاهیره‌ده‌کی یونوس امره انستیتوسونون دونیادا تۆرکجه کورسلارینا ان چوخ ماراق گؤستریله‌ن شعبه اولدوغونو دا بیلدیرن اردوغان، گئچه‌ن ایل مصرلی ۲۲ مین اؤیرنجینین تۆرکجه اؤیره‌نمک اۆزره کورسلارا ثبت اولدوغونونون سئویندیریجی اولدوغونو ایفاده ائتدی.
