ایستانبول‌دا عدلیه اؤنونده سالدیری
"تورکیه، هئچ بیر آیریم ائتمه‌دن بوتون ترور هؤرگوتو و دستکچیلری ایله موباریزه‌سینی عزمله داوام ائتدیره‌جک"
ایستانبول‌دا، چاغلایان عدلیه‌سی اؤنونده‌کی کنترل نقطه‌سینه قارشی ترور ائیلمینه گیریشن ۲ تروریست اؤلو اله گئچریلدی.
ایچ ایشلری باخانی علی یئرلی‌کایا، سوسیال مئدیا حسابیندان وئردیگی آچیقلامادا، تورکیه ساعاتییلا ۱۱.۴۶دا ایستانبول چاغلایان عدلیه‌سی اؤنونده‌کی کنترل نقطه‌سینه سالدیری گیریشیمی اولدوغونو ایفاده ائتدی.
دح‌ک‌پ/ج عضوو بیری قادین ۲ تروریستین اؤلو اله گئچریلدیگینی ایفاده ائد‌ن باخان یئرلی‌کایا،
"(سالدیریدا) اۆچو پلیس مأمورو اولماق اۆزره ۵ نفر یارالانمیشدیر. قهر‌مان پلیسلریمیزی تبریک ائدیره‌م. یارالیلاریمیزا عاجیل شفالار دیله‌ییرم" ایفاده‌لرینی ایشلتدی.
حادثه ایله باغلی جمهوریت باش ساوچیلیغی طرفیندن سوروشدورما باشلادیلدی.
اؤته یاندان، جمهورباشقانی رجب طیب اردوغان، قهرمان‌ماراش‌دا زلز‌له ائولرینین قرعه و آچار تحویلی مراسیمینده سالدیرینی دگرلندیردی.
اردوغان، ایستانبول چاغلایان عدلیه‌سی اؤنونده‌کی گۆونلیک نقطه‌سینه قارشی ترور سالدیریسیندا یارالانانلاردان بیرینین حیاتینی ایتیردیگینی بیلدیردی.
جمهورباشقانی،
"تورکیه، هئچ بیر آیریم ائتمه‌دن بوتون ترور هؤرگوتو و دستکچیلری ایله موباریزه‌سینی عزمله داوام ائتدیره‌جک" دئدی.
ایلگیلی‌لی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو باره‌ده تورکیه-نین نقلیات و آلت یاپی ناظیرلیگیندن معلومات وئریلیب.
