اردوغاندان ۶ فوریه زلزلهلری ایله باغلی مئساژ
"بئله بؤیوک فاجعهلر، بؤیوک آجیلار عینی زاماندا میللتلرین بیرلیگینین، برابرلیگینین و قارداشلیغینین گۆجونون سیناندیغی دؤنوش نقطهلریدیر"
جمهورباشقانی رجب طیب اردوغان، ۶ فوریهده میدانا گلن قهرمانماراش مرکزلی زلزلهلرده حیاتینی ایتیرهنلرین آجیسینین، ایلک گونکو تزهلیگی ایله اۆرکلری یاندیردیغینی ایفاده ائتدی.
جمهورباشقانی اردوغان، سوسیال مئدیا حسابیندان یاییملادیغی مئساژیندا، بیر ایل قاباق یاشانان قهرمانماراش مرکزلی زلزلهلرده حیاتینی ایتیرهن ۵۳ مین ۵۳۷ نفرین هر بیرینه اللهدان رحمت، یاخینلارینا و توۆرک میللتینه باشساغلیغی دیلهیهرک، بونلاری قید ائتدی:
"اینسانلیق تاریخینین ان قدیم یئرلهشیم یئرلری آراسیندا اولان ۱۱ ائلیمیزده یاشانان ییخیم حقیقتاً چوخ بؤیوک ایدی. بئلهسینه بؤیوک فاجعهلر، بؤیوک آجیلار عینی زاماندا میللتلرین بیرلیگینین، برابرلیگینین و قارداشلیغینین گۆجونون سیناندیغی دؤنوش نقطهلریدیر.
حمد اولسون میللتیمیز بو آجی و بیر او قدر ده تاریخی سینامانی باشاری ایله وئرمیشدیر. دؤولتیمیز بوتون ایمکانلارییلا آنیندا حرکته گئچرکهن تورکیه تک اۆرک، تک بیلک اولموش، میللتیمیز دئپرمدن ضرر چکن قارداشلارینین یانینا قاچمیش، عصرین فلاکتی قارشیسیندا عصرین بیرلیکدهلیگی اورتایا قویولموشدور.
تورپاغا وئردیگیمیز جانلاریمیزی فاتحهلرله، دعالارلا، حۆزنله یاد ائدرکهن میللتیمیزه وئردیگیمیز سؤزلری توتماق اوچون جانلا باشلا چالیشیریق.
بو چالیشمالاری، شهرلریمیزی اینشا و جانلاندیراراق آیاغا قالدیرانا، ائوی ییخیلان و یا ایستیفاده ائدیلهبیلمز حالا گلن سون وطنداشیمیزی دا گۆونلی یوواسینا قوووشدورانا قدر داوام ائتدیرجییک. ربیم اؤلکهمیزه و میللتیمیزه بیر داها بئله فلاکتلر یاشاتماسین، بیزلری بئله امتحانلارا معروض بوراخماسین".