هاکان فیدان مالتا-دا بیر سیرا گؤروشلر کئچیریب
خاریجی ایشلر ناظیری هاکان فیدان تورکیه-نین لیبیانین بنغازی شهریندهکی باش کونسوللوغونون یاخین زاماندا آچیلاجاغینی بیلدیریب.
خاریجی ایشلر ناظیری هاکان فیدان تورکیه-نین لیبیا-نین بنغازی شهریندهکی باش کونسوللوغونون یاخین زاماندا آچیلاجاغینی بیلدیریب.
هاکان فیدان مالتانین خاریجی ایشلر، آوروپا ایشلری و تیجارت ناظیری یان بورگ ایله والتا-داکی باش ناظیرلیک ساراییندا باش باشا و هئیتلرآراسی گؤروشدن سونرا کئچیردیگی بیرگه مطبوعات کونفرانسیندا بیر سیرا آچیقلامالار وئریب.
فیدان مالتادا کئچیرجگی گؤروشلردن سونرا لیبیا-یا گئدجگینی بیلدیریب.
ناظیر فیدان طرابلس-دا میللی بیرلیک حکومتینین باش ناظیری، عالی دؤولت شوراسینین نوماینده هئیتی و صدرلیگی ایله گؤروشلریمیز اولاجاق" دئییب.
هاکان فیدان تورکیه-نین لیبیا ایله باغلی یاپیجی سیاستینی ده بیر داها تکرارلایاجاغینی بیلدیریب.
تورکیه-نین لیبیا-دا هر هانسی موناقیشهنین بیر داها دوغو ایله باتی آراسیندا و یا گونئیین ده داخیل اولدوغو بیر شکیلده باشلاماسینی ایستمهدیگینی وورغولایان فیدان لیبیا-نین پروبلئملرینی دیالوق یولو ایله حل ائتمهسینی ایستهدیکلرینی بیلدیریب.
فیدان لیبیا-نین دوغوسو ایله باتیسی آراسینداکی بؤلونمهنین قالیجی اولماسینی ایستمهدیکلرینی قئید ائدیب:
"بیز حساب ائدیریک کی، بو پارچالانما بوتون طرفلرین راضیلیغی اساسیندا باریش یولو ایله، معین پروسه چرچیوهسینده و دیالوق یولو ایله حل ائدیلمهلیدیر و بو یولدا فعالیتیمیز داوام ائدیر".
خاریجی ایشلر ناظیری تورکیه-نین لیبیا-نین دوغو طرفی ایله علاقهلرینین تدریجن اینکیشاف ائتدیگینی بیلدیریب.
"اوراداکی آکتورلارلا دا ایشیمیزی داوام ائتدیریریک. بنغازی-دهکی باش کونسوللوغوموزو یئنیدن آچماق قرارینا گلدیک، یاخین آچاجاغیق. شیرکتلریمیز یئنیدن ایشه باشلاییب، دیگر طرفدن میصر، بیرلشمیش عرب امیرلیکلری و دیگر بولگهسل دوستلاریمیزلا لیبیا مسئلهسینده یاپیجی رول اویناماق اوچون سعیلریمیزی داوام ائتدیریریک"، - دئیه او بیلدیریب.