فیدان: وضعیت یاخشی دئییل
"اودلا اوینادیغینیز زامان او اود هر آن یانغینا چئوریلهبیلر. کنترل آلتینا آلیناممایابیلر"
خاریجی ایشلر باخانی حاکان فیدان، آمریکا بیرلشمیش دؤولتلری ایله ایرانین کنترللو چاتیشماسینا باغلی،
"وضعیت یاخشی دئییل. داها بؤیوک بیر یاییلما ایله قارشی قارشییا قالابیلریک" دئدی.
حاکان فیدان، قاتیلدیغی بیر تلویزیون پروگرامیندا گۆندمی دگرلندیردی، سواللاری جاوابلادی.
فیدان، آمریکانین ایران دستکلی قروپلارا تشکیل ائتدیگی سالدیریلارا دایر سوالا باغلی، آمریکانین "اودلا اوینادیغینی" وورغولایاراق،
"اودلا اوینادیغینیز زامان او اود هر آن یانغینا چئوریلهبیلر. کنترل آلتینا آلیناممایابیلر. بورادا بیر ریسکله قارشی قارشییاییق. بو کنترل آلتینا آلینابیلمهمزلیک مسئلهسی بیر تهدید اولاراق قارشیمیزدا دورور" ایفادهلرینی ایشلتدی.
تورکیه اولاراق بؤلگهسل اورتاقلارلا و آمریکا ایله داواملی گؤروشولدوگونو دیله گتیرهن فیدان، "بؤلگهسل یاییلمادان قاچینماق لازیم. وضعیت یاخشی دئییل. داها بؤیوک بیر یاییلما ایله قارشی قارشییا قالابیلریک" شکلینده دانیشدی.
هفتهسونوندا اورتا دوغوداکی ایران دستکلی قروپلارا هاوا آخینلاری تشکیل ائدن آمریکا بیرلشمیش دؤولتلرینین میللی گۆونلیک مشاویری جیک سالیوان، داها چوخ سالدیری پلانلادیقلارینی سؤیلهمیشدی.