اردوغان:عینی عزمله یولوموزا داوام ائدیریک
جمهورباشقانی اردوغان، ایستانبولدا ژورنالیستلرین سواللارینی جاوابلادی
جمهورباشقانی رجب طیب اردوغان، سوئدین ناتو عضولوگونه تصدیق وئردیکلرینی آرتیق، آمریکا بیرلشمیش دؤولتلریندن اف-۱۶ ساواش اوچاقلاری آلیمی ایله باغلی گلهجک مثبت نتیجهنی گؤزلهدیکلرینی سؤیلهدی.
جمهورباشقانی اردوغان، ایستانبولدا ژورنالیستلرین سواللارینی جاوابلادی.
سوئدین ناتو عضولوگونه اونای سۆرهجینین تۆرکیه بؤیوک میللت مجلیسیندن گئچدیگینی، اؤزونون ده بو قراری ایمضالادیغینی وورغولایان اردوغان، آمریکا باشقانی جو بایدنین ده تۆرکیهیه اف-۱۶لارین وئریلمهسی قونوسوندا اؤز مجلیسینه لازیم اولان تاپشیریقلاری گؤندردیگینی ایفاده ائتدی.
بو آددیملارین، اف-۱۶لارین تۆرکیهیه گؤندریلمهسی سۆرهجینی تامین ائتمهسینی اومود ائتدیگینی ایفاده ائدن اردوغان، سۆرهجی، خاریجی ایشلر باخانی حاکان فیدانین یاخیندان ایزلهدیگینی ایفاده ائتدی.
اردوغان،
"اورادان (آمریکا) گلهجک نتیجه، بیزلر اوچون اف-۱۶لارین تۆرکیهیه گؤندریلمهسی سۆرهجینی، اوناریم، باخیملا باغلی سۆرهجین باشلاماسینی تامین ائدجک" دئدی.
سوئدین ناتو عضولوگونه وئریلهن اونایین، باتییا تۆرکیهنین دوروشونو گؤسترمهسی باخیمیندان اویغون اولدوغونو ایفاده ائدن جمهورباشقانی،
"عینی عزمله یولوموزا داوام ائدیریک" دئدی.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.