اردوغان: بیزی قورخوداجاقلارینی سانیرلار
"تۆرکیه‌نین آرتیق تهدیدلرله و حیلهلی اویونلارلا یولا گتیریله‌بیلمه‌یه‌جک بیر اؤلکه اولدوغونو تئز یا دا گئچ اونلار دا اؤیره‌نه‌جک"
رجب طیب اردوغان، تۆرکیه‌نین آرتیق تهدیدلرله و سینسی/حیلهلی اویونلارلا یولا گتیریله‌بیلمه‌یه‌جک بیر اؤلکه اولدوغونون تئز یا دا گچ اؤیرنیله‌جگینی سؤیله‌دی.
جمهورباشقانی اردوغان، باشکند آنکارادا پارتیسی عدالت و قالخینما پارتیسینین نامیزد تانیتیم ییغینجاغینا قاتیلدی.
اردوغان، بوراداکی دانیشماسیندا، اوزون مدتدیر خائوس چیخارداراق، ترورو آزدیراراق، چئوریلیشه گیریشیه‌رک، اقتصادی تله‌لر قوراراق، تۆرکیه‌یه دیز چؤکدورمک ایسته‌یه‌نلرین سسلرینین چیخماغا داوام ائتدیگینی ایفاده ائتدی.
اردوغان، بئله دانیشدی:
"بیز اؤلکه‌میزین چیخارلاریندان، میللتیمیزین هدفلریندن اؤدون/امتیاز وئرمه‌یه‌جگیمیزی گؤستردیکجه، سیاسی، دیپلوماتیک، اقتصادی، عسگری هر ساحه‌ده آیاغیمیزا تاخیلان یئنی بادالاقلارلا قارشیلاشیریق. بئله ائد‌رک بیزی قورخوداجاقلارینی، سیندیره‌جکلرینی، قورخدوراجاقلارینی، امپریالیست عمللرینه راضی ائد‌جکلرینی سانیرلار. بونو چوخ آچیق و آیدین ایفاده ائتمک ایسته‌یره‌م؛ اصلا گئری آددیم آتدیرامایاجاقلاردیر. بیزی یولوموزدان کسینلیکله چئویره‌بیلمه‌یه‌جکلر. بیزی و اؤلکه‌میزی هئچ بیر شرط‌ده تسلیم آلابیلمه‌یه‌جکلر. تۆرکیه‌نین آرتیق تهدیدلرله و حیلهلی اویونلارلا (ایسته‌دیکلری) یولا گتیریله‌بیلمه‌یه‌جک بیر اؤلکه اولدوغونو تئز یا دا گئچ اونلار دا اؤیره‌نه‌جک".
