تورکیه، بولقاریستان و رومانیا آراسیندا موقاویله ایمضا‌لانا‌جاق
تورکیه، بولقاریستان و رومانیا آراسیندا مین لرین تمیزلنمه‌سی ایله باغلی موقاویله ایمضا‌لانا‌جاق.
بولقاریستانین ساوونما ناظیری تودور تاگارو تورکیه و رومانیا ایله گلن هفته ایستانبول-دا قارا دنیزده مین لرین تمیزلنمه‌سی ایله باغلی موقاویله ایمضالایا‌جاق‌لارینی آچیقلاییب.
بولقاریستان خبر آژانسی‌نین (بتا) معلوماتینا گؤره، تودور تاگارو اؤلکه‌نین گونئی-باتی سیندا یئرلشن بلاگووگراد شهرینده قارا دنیزده دنیز مین لرینه قارشی آپاریلان موباریزه ایله باغلی ژورنالیست‌لره آچیقلاما وئریب.
تاگارو بیان ائدیب کی، بولقاریستان، رومانیا و تورکیه گلن هفته ایستانبول-دا قارا دنیزده مین لرین تمیزلنمه‌سی ایله باغلی سازیش ایمضالایا‌جاق.
تاگارو قئید ائدیب کی، موقاویله‌نین متنی و موضوعسو ایله باغلی راضیلیغا گلیب‌لر.
"روسیانین 2022-جی ایلده اوکراینادا باشلاتدیغی محاربه توپراقلاریمیزی و سیرو سفر تهلوکه سیزلیگیمیز اوچون ریسک‌لر یارا‌دیر و بو ریسک‌لری مینیموما ائندیرمک اوچون اوچ اؤلکه‌نین دونانماسی مین لردن تمیزلنه‌جک"، -دئیه تاگارو قئید ائدیب.
