خامنهای: بو فلاکتی سرت تپکی ایزلهیهجک
جمهورباشقانی اردوغان رئیسییه، کرماندا میدانا گلن ترور سالدیریلاریندا اؤلنلر اوچون باشساغلیغی دیلکلرینی چاتدیردی
ایران جمهورباشقانی ابراهیم رئیسی اؤلکهسینده تشکیل ائدیلهن ایکیلی ترور سالدیریسینین فاعللرینین ان قیسا زاماندا جزالاندیریلاجاغینی سؤیلهدی.
ابراهیم رئیسی، کرماندا تشکیل ائدیلهن و ۹۵ نفرین حیاتینی ایتیردیگی بومبالی سالدیریلارلا باغلی یازیلی آچیقلاما یاییملادی.
آچیقلاماسیندا، ترور ائیلمینی قینایان و حیاتینی ایتیرهنلرین عائلهلرینه و ایران خالقینا باشساغلیغی دیلکلرینی چاتدیران رئیسی،
"شوبههسیز، بو قورخاق ائیلمین قارا اۆرکلی فاعللری و لیدئرلری، گۆونلیک و قوللوق گۆجلری طرفیندن ان قیسا زاماندا معین ائدیلهجک و بو منفور ائیلمدن اؤترو جزالاندیریلاجاق. دۆشمنلر، بو جور ائیلملرین ایران خالقینین اسلامی ایدهآللارینی ساوونما قونوسونداکی دمیر عزمینی هئچ بیر زامان آخسادابیلمهیهجگینی بیلمهلیدیر. ایران، ساواش میدانیندا ترور و شدتین کؤکلرینی قوروتما قونوسوندا اسکیسیندن داها قرارلیدیر" دئدی.
اؤلکهنین دینی لیدئری علی خامنهای ده سالدیریلارا سرت قارشیلیق وئریلهجگینی سؤیلهدی.
خامنهاینین رسمی اینترنت سایتینداکی یازیلی آچیقلامادا، "اللری سوچسوزلارین قانینا بولانمیش شخصلر و اونلاری بو یانلیشا آپاران تحریک ائدیجی، فساد توخوملاری اکن ذهنلر، بوندان بئله باسقی و عدالتلی جزا اوچون مطلق هدف حالینا گلهجک. بو فلاکتی سرت تپکینین ایزلهیهجگینی بیلمهلری لازیمدیر" ایفادهسی ایشلهدیلدی.
ایران ایچ ایشلری باخانی احمد واحدی ده، اؤلکهسینین گۆونلیک گۆجلرینین، ۱۰۳ نفرین حیاتینی ایتیردیگی ترور سالدیریلارینی "تشکیل ائدنلره ان قیسا زاماندا ازیجی و قرارلی بیر جاواب وئرجگینی" ایفاده ائتدی.
ایرانین کرمان ایالتینده، انقیلاب گؤزتچیلری اوردوسو قدس گۆجو اسکی باشچیسی قاسم سلیمانینین مزاری یاخینلاریندا میدانا گلن ایکی آیری سالدیریدا ۹۵ اؤنجه ۱۰۳ اولاراق آچیقلانان جان ایتکیسی ۹۵ نفر اولاراق دوزلدیلمیش، اؤلنلرین آنیسینا بیر گونلوک یاس اعلان ائدیلمیشدی.
اؤلکهده، آمریکا بیرلشمیش دؤولتلرینین ۳ ژانویه ۲۰۲۰ده عراقین باشکندی بغدادداکی سالدیریدا حیاتینی ایتیرهن سلیمانینین اؤلدورولمهسینین ۴.جو ایلی موناسیبتی ایله آنما پروگراملاری تشکیل ائدیلمیشدی.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"