آنتالیا کئچن ایل توریزمده رکورد قیردی
آنتالیا کئچن ایل 15 میلیون 689 مین 258 خاریجی توریستی قبول ائدهرک بوتون زامانلارین رکوردونو قیردی.
آنتالیا کئچن ایل 15 میلیون 689 مین 258 خاریجی توریستی قبول ائدهرک بوتون زامانلارین رکوردونو قیردی.
دونیانین سئویملی توریزم مرکزلری آراسیندا یئر آلان شهر 2023-جو ایلده توریزمین ان یاخشی ایلینی یاشادی.
شهرده اوولکی رکورد 2019-جو ایلده 15 میلیون 280 مین 763 خاریجی توریستله یئنیلنیب.
ویلایت مدنیت و توریزم مودیرلیگینین معلوماتلارینا گؤره، 1 ژانویه - 31 دسامبر 2023-جو ایل تاریخلری آراسیندا شهره 15 میلیون 689 مین 258 خاریجی توریست گلیب.
کئچن ایل آنتالیا ماکسیموم 3 میلیون 461 مین 762 توریستله روسیادان گلن قوناقلاری قبول ائدیب.
روسیالی توریستلرین ساییندا اوولکی ایل ایله موقاییسهده 14،10 فایز آرتیم اولوب.
روسلاری 3 میلیون 363 مین 510 نفرله آلمانلار ایزلهییب.
آلمان توریستلرین ساییندا دا 19 فایز آرتیم اولوب.
آنتالیا اینگیلتره بازاریندان دا خیلی سایدا توریست جلب ائدیب.
شهره 14،85 آرتیملا اوچونجو اولان اینگیلترهدن 1 میلیون 318 مین 215 توریست گلیب.
لهستان دا تعجبلو بازار اولوب.
2023-جو ایلده لهستان-دان 1 میلیون 68 مین 150 نفر تعطیل اوچون آنتالیایا اوستونلوک وئریب.
بو اؤلکهدن گلن توریستلرین ساییندا اوولکی ایله موقاییسهده 39،60 فایز آرتیم اولوب.
آنتالیایا ان چوخ توریست گؤندرن اؤلکهلر هوللاندیا، قازاخیستان، رومانیا، چکیا، ایسراییل و اوکراینا اولوب.