تۆرکیه‌دن چکیایا باش‌ساغلیغی

تۆرکیه، پراگداکی سلاحلی سالدیری سببیله چکیایا باش‌ساغلیغی دیله‌دی.

خاریجی ایشلر باخانلیغی سؤزچوسو اؤنجو کئچه‌لی، چکیا‌نین باشکندی پراگین مرکزینده‌کی کارلس اونیوئرسیته‌سی فلسفه فاکولته‌سینده تشکیل ائدیله‌ن و ۱۵د‌ن چوخ اینسانین اؤلدوگو سلاحلی سالدیریا باغلی باش‌ساغلیغی مئساژی یاییملادی.

کئچه‌لی، ایکس سوسیال مئدیا حسابیندا ائتدیگی پایلاشیمدا، "پراگدا گئرچکلشدیریلن سالدیری نتیجه‌سینده حیاتینی ایتیره‌نلرین عائله‌لرینه و چک خالقینا باش‌ساغلیغی دیله‌ییریک" ایفاده‌سینی ایشلتدی.

الده اولان بیلگیلره گؤره حادثه‌ده ضرر گؤره‌ن تۆرک وطنداشی اولمادیغینی ایفاده ائد‌ن کئچه‌لی، تۆرکیه‌نین پراگ ائلچیلیگینین چکیا مقاملارییلا ارتباط حالیندا اولدوغونو قید ائتدی.

کئچه‌لی، احتیاج دویان تۆرک وطنداشلاری اوچون ائلچیلیگین و تۆرک کونسوللوق چاغری مرکزی ارتباط بیلگیلرینی پایلاشدی.

پراگین مرکزینده‌کی کارلس اونیوئرسیته‌سی فلسفه فاکولته‌سینده‌کی سلاحلی سالدیریدا، ایلک بیلگیلره گؤره ۱۵د‌ن چوخ اینسانین حیاتینی ایتیردیگی، ۲۴ نفرین یارالاندیغی بیلدیریلمیشدی.