اردوغان و اوربان اورتاق مطبوعات کنفرانسی تشکیل ائتدی
اردوغان، آنلاشمالارلا تۆرکیه ایله ماجاریستان آراسینداکی باغی داها دا گۆجلندیرمه‌یی هدفلدیکلرینی ایفاده ائتدی و ماجاریستان ایله تیجارت اورتاق کمیته‌سی تاسیس ائتدیکلرینی آچیقلادی
جمهورباشقانی رجب طیب اردوغان، غزه‌ده ایسرائیل دهشتینین سونا چاتماسی اوچون تۆرکیه اولاراق سیخ دیپلوماتیک چابا گؤستردیکلرینی سؤیله‌دی.
جمهورباشقانی، ماجاریستان باشباخانی ویکتور اوربان ایله بوداپستده تشکیل ائدیله‌ن اورتاق مطبوعات کنفرانسیندا دانیشدی.
غزه‌ده‌کی سون وضعیتیدگرله‌ندیره‌ن اردوغان،
"غزه‌ده ایسه ایسرائیل دهشتینین تئزلیکله سون چاتماسی اوچون بۆتون گوجوموزله چالیشیریق. عاجیل آتیش‌کسین قورولماسی و چاتیشمالارین کسیلمه‌سینین اؤنله‌نمه‌سی اوچون ایلک گوندن بری تۆرکیه اولاراق سیخ دیپلوماتیک چابا گؤستریریک" دئدی.
اولوسلارآراسی توپلومو دا عینی مسئولیتی بوینونا گؤتورمه‌یه دعوت ائد‌ن اردوغان، مستقیل، اگمن و تورپاق بۆتونلوگو تاسیس ائدیلمیش بیر فیلیسطین دؤولتینین قاچینیلماز اولدوغونو ایفاده ائتدی.
روسیا اوکراینا ساواشینا دا دقت چکه‌ن اردوغان، خشونتین چاره اولمادیغینی سؤیله‌دی.
اردوغان،
"اوکراینادا دیپلوماتیک چؤزوم مرکزلی ایشلره آغیرلیق وئریلمه‌سی لازیم اولدوغونو ان باشیندان بو یانا سسله‌ندیریریک. تۆرکیه اولاراق طرفلردن طلب اولماسی حالیندا یاریم قالان ایستانبول سۆره‌جینی تکرار جانلاندیرماغا حاضیریق" ایفاده‌لرینی ایشلتدی.
اردوغان، آنلاشمالارلا تۆرکیه ایله ماجاریستان آراسینداکی باغی داها دا گۆجلندیرمه‌یی هدفلدیکلرینی ایفاده ائتدی و ماجاریستان ایله تیجارت اورتاق کمیته‌سی تاسیس ائتدیکلرینی آچیقلادی.
جمهورباشقانی،
"بو ایلین ایلک ۱۱ آیی اعتباری ایله تیجارت حجمیمیز گئچدیگیمیز ایلی گئریده بوراخاراق ۴ میلیارد دلارا یاخینلاشدی. ۶ میلیارد دلارلیق مشترک هدفیمیزه چاتماقدا قرارلیییق" دئدی.
ماجاریستان باشباخانی اوربان ایسه آوروپا بیرلیگی ایله ویزا سربستلیگی قونوسوندا تۆرکیه‌نی دستکله‌دیکلرینی ایفاده ائتدی.
جمهورباشقانی اردوغانین اؤنوموزده‌کی یۆز ایل اوچون بؤیوک بیر پروژه (تۆرکیه عصری) اورتایا قویدوغونو ایفاده ائد‌ن اوربان،
"اؤنوموزده‌کی یۆز ایل سیزین اولاجاق. بیز بونا ایناندیق اونون اوچون ده بو آنلاشمالاری ائتدیک" ایفاده‌لرینی ایشلتدی.
اورتاق مطبوعات کنفرانسیندان اؤنجه تۆرکیه ایله ماجاریستان آراسیندا ۱۶ آنلاشما ایمضالاندی.
ایلگیلی‌لی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقه‌سی ساخلاییب.
