ت‌رت وورلد فوروم ۲۰۲۳ باشلاییر

دونیانین ان گئنیش قاتیلیملی فوروملاریندان اولان "ت‌رت وورلد فوروم ۲۰۲۳" باشلاییر.

تۆرکیه رادیو تلویزییون قورومو (ت‌رت) طرفیندن دۆزنله‌نن "ت‌رت وورلد فوروم ۲۰۲۳"، "بیرلیکده گلیشمک: مسئولیتلر، ائیلملر و چؤزوملر" قونوسویلا بو گون و یارشن ایستانبولدا تشکیل ائدیلیر.

ت‌رت‌دن وئریله‌ن آچیقلامایا گؤره، بو گونه قدر بیر چوخ اؤلکه‌دن ۸ مین ۵۰۰دن چوخ قوناق و ۶۵۱ دانیشماچینی بیر آرایا گتیره‌ن ت‌رت وورلد فوروم، بو ایل ده دونیانین فرقلی جغرافیالاریندان آکادمیسین، سیاستچی، مدنی قورولوش چالیشانی، دۆشونجه قورولوشو اوزمانی، بوروکرات و ژورنالیستدن اولوشان ۱۵۳ آیری دانیشماچینین قاتیلیمییلا دۆنیا گۆنده‌مینه ایشیق توتاجاق.

"بیرلیکده گلیشمک: مسئولیتلر، ائیلملر و چؤزوملر" قونوسویلا بو ایل ۷.جیسی تشکیل ائدیله‌ن ت‌رت وورلد فوروم ۲۰۲۳، کۆره‌سل پروبلئملری گوند‌مه گتیرمه‌یی و چؤزوم اؤنریلری سونماغی هدفله‌ییر.

فورومون آچیلیشیندا جمهورباشقانی رجب طیب اردوغان دانیشاجاق.

اردوغانین دانیشماسیندا دۆنیا گوۆندمینه دایر اؤنملی مئساژلار وئرمه‌سی گؤزله‌نیلیر.

فعالیتده، جمهورباشقانی کؤمکچیسی جؤودت ییلماز ایله بعضی باخانلارین دا اؤنملی قونو باشلیقلاریندا آچیقلامالار وئرمه‌سی اؤن گؤرولور.

آچیلیش دانیشمالاری، آچیق اوتوروملار و متخصصلرله یووارلاق ماسا ییغینجاقلارینین یئر آلاجاغی فعالیتده، دونیانین دؤرد بیر طرفیندن یئرلی و خاریجی یوزلرله آکادمیسین، بوروکرات، ژورنالیست، سیاستچی و مدنی قورولوش نماینده‌لری بیر آرایا گله‌جک.

فعالیتده، اؤنه چیخان قونو باشلیقلاری آراسیندا اولوسلارآراسی گوونلیک، انرژی و ایقلیم، اقتصاد، تکنولوگژی، صونعی ذکا، مئدیا و قامو یایینچیلیغی ایله سیاست یئر آلاجاق.

فعالیتده تشکیل ائدیله‌جک آچیق اوتوروملاردا ایسه، "تۆرکیه عصری ویزیونو: سیستم قوروجو بیر آکتور اولاراق تۆرکیه"، "ایسرائیلین غزه ساواشی: اینسانی بحران و باریش گؤزلنتیلری"، "دیجیتال چاغد‌ا قامو یایینچیلیغی: چتینلیکلر و فورصتلر" باشدا اولماق اوزره بیر چوخ قونو متخصصلر طرفیندن اله آلیناجاق.