تۆرک استخباراتی ایسرائیلی اویاردی
تۆرک استخبارات بیریملری، ایسرائیل استخباراتینا، تۆرکیه‌ده یاسادیشی فعالیت ائتمه‌لرینین جدی نتیجه‌لری اولاجاغینی بیلدیردی
تۆرک استخبارات بیریملری، ایسرائیل استخبارات بیریملرینه، تۆرکیه‌ده یاسادیشی فعالیت ائتمه‌لرینین جدی نتیجه‌لری اولاجاغینی بیلدیردی.
آمریکا وال استریت ژورنال قزئتی، ایسرائیلین، فیلیسطین دیشیندا یاشایان حماس عضولرینه قارشی سوءقصد پلانلاری ائتدیگینی یازدی.
خبرده، ایسرائیل استخبارات بیریملرینین لبنان، تۆرکیه و قطرده حماس عضولرینی هدف آلاجاغی ادعا ائدیلدی.
ایسرائیل ایچ استخبارات تشکیلاتی شین-بت (شاباک) مودورو رونن بار، ایسرائیل دؤولت تلویزیونو کاندا یایینلانان بیر ویدئودا، "قطر، تۆرکیه و لبنان داخیل اولماق اوزره دونیانین هر یئرینده حماس لیدئرلرینی، ایللر سۆرسه بئله اؤلدورمه‌یه قرارلی اولدوقلارینی" ایفاده ائتمیشدی.
تۆرک استخبارات قایناقلاری، ایسرائیلین، تۆرکیه داخیل فیلیسطین خاریجینده یاشایان حماس عضولرینی هدف آلاجاغینا دایر اولوسلارآراسی مطبوعاتدا یئر آلان خبرلره و ایسرائیللی مسئوللارین بو یولدا‌کی آچیقلامالارینا ایستیناداً مخاطبلره لازیم اولان اویاریلارین ائدیلدیگینی و عکسی ایستیقامتده‌کی بیر توتومون جدی نتیجه‌لری اولاجاغینی بیلدیردی.
مسئوللار، مختلیف استخبارات سرویسلرینین داها اؤنجه ده تۆرکیه جمهوریتی تورپاقلاریندا یاسادیشی فعالیتلر گئرچکلشدیرمه‌یه چالیشدیغینی خاطیرلاداراق، هئچ بیر سرویسین بو جور عملیاتلارینا ایجازه وئریلمه‌یه‌جگینی وورغولادی.
