فیدان: میللی گوونلیگیمیزی تحکیم ائدجک هر آددیمی آتاجاغیق
باخان حاکان فیدان، جمهورباشقانلیغی ایلهتیشیم باشقانلیغی طرفیندن ایستانبولدا تشکیل ائدیلهن اولوسلارآراسی استراتژیک ایلهتیشیم ذیروهسینین آچیلیشیندا دانیشدی
خاریجی ایشلر باخانی حاکان فیدان،
"میللی گوونلیگیمیزی تحکیم ائدجک هر آددیمی آتاجاق، هر تدبیری ده گؤرهجییک" دئدی.
باخان فیدان، جمهورباشقانلیغی ایلهتیشیم باشقانلیغی طرفیندن ایستانبولدا تشکیل ائدیلهن "اولوسلارآراسی استراتژیک ایلهتیشیم ذیروهسی"نین (ستراتکام سامیت ۲۳) آچیلیشیندا دانیشدی.
فیدان، اولوسلارآراسی سیستمین و ژئوپولیتیک معادلهنین دؤنوشوم گئچیردیگینی، استراتژیک رقابتین سویوق ساواشین بیتمهسیندن بو یانا ان یوکسک سویهسینه چاتدیغینی سؤیلهدی.
تروریزمله موباریزهده گئچمیشین اصوللارینین، بو گونون احتیاجلارینی قارشیلایابیلمز وضعیته گلدیگینی سؤیلهیهن فیدان، تورکیهنین ترورلا موباریزه استراتژیسینی چاغین گرکلرینه گؤره داواملی گلیشدیرهن بیر اؤلکه اولدوغونو قید ائتدی.
فیدان، ترورلا موباریزه چابالاریندا زامان زامان یالنیز قالدیقلارینی ایفاده ائدرک،
"زامان زامان دوست و متفیقلریمیزی ترور هؤرگوتلری ایله عینی صفده گؤردوک. بو چرچیوهده ایمپریال گۆجلرین ماشاسی حالینا گلمیش و وکیل هؤرگوتلرله ده موباریزه ائتمک دوروموندا بوراخیلدیق یئنه ده دوغرولاری سؤیلهمکدن اصلا گئری دورمادیق، دورمایاجاغیق. داعشله موباریزه اؤرتوسو آلتیندا پکاکایا و اوزانتیسی یپگیه باشدا آمریکا اولماق اۆزره متفیقلریمیزین وئردیگی دستگین بؤیوک بیر استراتژیک خطا اولدوغونو هر زامان و هر پلتفورمدا دیله گتیردیک. بو گون بیر دفعه داها بو کورسودن وورغولاماق ایستهیرهم؛ تورکیه اوچون حیاتی بیر تهدید اولان بو قونودا میللی گوونلیگیمیزی تحکیم ائدجک هر آددیمی آتاجاق، هر تدبیری ده گؤرهجییک" دئیه دانیشدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی