اردوغان و تبوندان اورتاق مطبوعات توپلانتیسی
"توپلو جزالاندیرمایا چئوریله‌ن و ساواش سوچو تشکیل ائد‌ن ایسرائیل سالدیریلارینی هئچ بیر شکیلده قبول ائتمیریک"
جمهورباشقانی رجب طیب اردوغان،
"(غزه یولاغیندا) توپلو جزالاندیرمایا چئوریله‌ن و ساواش سوچو تشکیل ائد‌ن ایسرائیل سالدیریلارینی هئچ بیر شکیلده قبول ائتمیریک" دئدی.
جمهورباشقانی اردوغان، جزایر دموکراتیک خالق جمهوریتی جمهورباشقانی عبدالمجید تبونون دعوتی ایله، تورکیه - الجزایر آراسینداکی یوکسک سویه‌لی امکداشلیق شوراسینین ایکینجی ییغینجاغینا قاتیلماق اۆزره گئتدیگی الجزایرده، قونومداشییلا گؤروشمه‌سینین آردیندان مطبوعات توپلانتیسی تشکیل ائتدی.
اردوغان، بورادا وئردیگی آچیقلامادا، غزه یولاغیندا خسته‌خانا، عبادت‌خانا، اوخول کیمی هر قونودا قوروما آلتیندا اولماسی لازیم اولان مکانلارین هدف آلینماسینی، خالقین کؤچه مجبور ائدیلمه‌سینی، ویجدانسیزلیق و باربارلیق اولاراق تانیملایاراق،
"توپلو جزالاندیرمایا چئوریله‌ن و ساواش سوچو تشکیل ائد‌ن ایسرائیل سالدیریلارینی هئچ بیر شکیلده قبول ائتمیریک" دئدی.
۱۹۶۷ سرحدلرینده باشکندی دوغو قدس اولان بیر فیلیسطین دؤولتینین تاسیسینین، آرتیق قاچینیلماز اولدوغونو وورغولایان اردوغان، بو یولدا اللریندن گله‌نی ائتمه‌یه داوام ائد‌جکلرینی سؤیله‌دی.
"(ایسرائیل ایله حماس آراسیندا گیروولارین قایتاریلماسی ایله باغلی گؤروشمه‌لر قونوسوندا) ایستر خاریجی ایشلر باخانیم ایستر میت باشقانیم، قاطرله مشترک بیر ایش ایچریسینده سۆره‌جی داوام ائتدیریرلر" دئیه‌ن جمهورباشقانی اؤنجه‌لیکلرینین غزه‌ده قالیجی آتیش‌کسین قورولماسی و اینسانی کؤمکلرین انگلسیز شکیلده بؤلگه‌یه اینتیقالی اولدوغونو قید ائتدی.
ائو صاحبی جمهورباشقانی عبدالمجید تبون ایسه
"اورتا دوغو وولکان کیمیدیر. یا بو پروبلئم (فیلیسطین) حل ائدیله‌جک یا دا فرقلی بیر کانالدا ایر‌لیله‌یه‌جک. (جمهورباشقانی اردوغانلا) اردن چایینین باتی ساحیلینده‌کی یهودی یئرله‌شیمچی ترورونون دا دوردورولماسینی وورغولادیق. غزه‌ده‌کی سوی‌قیریمین مسئوللارینین باولوسلارآراسی جزا محکمه‌سینده محاکیمه اولونماسی لازیم اولدوغونون وورغولادیق" دئیه دانیشدی.
