اردوغان گۆندمی دگرلندیردی
"هر نه قدر فیلیسطینلیلرین قدیم یوردلاری آددیم آددیم ایسرائیل طرفیندن ۱۹۴۷دن اعتباراً ایشغال ائدیلمیشسه ده غزه، فیلیسطین تورپاغی اولاراق انشاالله قالاجاق"
جمهورباشقانی رجب طیب اردوغان، غزه‌لی خسته‌لرین تورکیه‌یه گتیریلمه‌سینین داوامینی ایسته‌دیکلرینی وورغولایاراق، ان قیسا زاماندا بیر مصر سیاحتی تشکیل ائده‌بیله‌جگینی سؤیله‌دی.
جمهورباشقانی اردوغان، الجزایر سفریندن قاییدارکن اوچاقدا گوند‌مه باغلی دگرلندیرمه‌لر وئردی.
الجزایر جمهورباشقانی عبدالمجید تبونلا غزه‌ده‌کی دهشت باشدا اولماق اۆزره، بؤلگه‌سل و کۆره‌سل مسئله‌لری ده دانیشدیقلارینی ایفاده ائد‌ن اردوغان،
"ایشغال ائدیلمیش فیلیسطین تورپاقلاریندا ۷ اکتبردان بری داوام ائد‌ن قیرغینلاری هر ایکی اؤلکه اولاراق لعنتله‌ییریک" دئدی.
غزه‌نین بیر فیلیسطین تورپاغی اولدوغونو ایفاده ائد‌ن اردوغان،
"هر نه قدر فیلیسطینلیلرین قدیم یوردلاری آددیم آددیم ایسرائیل طرفیندن ۱۹۴۷دن اعتباراً ایشغال ائدیلمیشسه ده غزه، فیلیسطین تورپاغی اولاراق انشاالله قالاجاق" شکلینده دانیشدی.
غزه‌ده گئرچکلشن ایشغالین، بعضی اؤلکه‌لرین یؤنه‌تیملرینی سسسیزلیگه گؤمشه ده توپلوملارین ویجدانلارینی حرکته گئچیردیگینی سؤیله‌ین جمهورباشقانی،
"کوچه‌لرده فیلیسطینه دستک اولانلارین ساییسی آرتیر" دئدی.
حماسین الینده اولان وطنداشلارا دایر هر هانسی بیر منفی داورانیشینین اولدوغونا و یا اولاجاغینا اینانمادیغینی ایفاده ائد‌ن اردوغان،
"ایسرائیلین الینده جدی ساییدا فیلیسطینلی وار. حماس بو آندا اونلاری قورتارمانین چاباسی ایچریسینده. قطرین دؤوره‌یه گیرمه‌سی ایله سۆره‌جده یئنی بیر آددیم آتیلیر. ائله ظن ائدیره‌م کی گیروولارین دییشیمینه بو گون یارین گئچه‌جکلر" دگرلندیرمه‌سینی دیله گتیردی.
رفح سرحد قاپیسیندا مصر یؤنه‌تیمینین ده مثبت آددیملار آتدیغینی وورغولایان جمهورباشقانی،
"ایلک آشامادا غزه‌ده‌کی سرطان خسته‌لریندن ۴۰ی اؤلکه‌میزه گلدی. ایکینجی آشامادا بو سایی جدی معنادا آرتدی و ۸۸ خسته، ۶۷ باخیجییا چاتدیق. بونلارین معالیجه‌لرینی بیز شهر خسته‌خانالاریمیزدا ائدیریک، بونا داوام ائدجییک. غزه‌لی خسته‌لرین اورادان چیخاردیلاراق اؤلکه‌میزه گتیریلمه‌سینین آرتاراق داوامینی ایسته‌ییریک. ان قیسا زاماندا بیر مصر سیاحتی تشکیل ائده‌بیلره‌م. مصرده آغیرلیقلی گوند‌میمیز بو مؤوضوعلار اولاجاق" شکلینده دانیشدی.
آوروپا اؤلکه‌لرینین قیرغینی دوردورماق اوچون آددیم آتمادیقلارینی ایفاده ائد‌ن جمهورباشقانی اردوغان،
"بورادا تک اسپانیانین یاناشما طرزی مثبت ایستیقامتده گلیشیر. اسپانیادا حکومت قورولدو. اسپانیا باشباخانی پدرو سانچز ایله گلن هفته بیر گؤروشمه‌م ده اولاجاق" دئدی.
