جمهورباشقانی اردوغان، ابراهیم رئیسی ایله گؤروشدو

اقتصادی امکداش‌لیق تشکیلاتی ۱۶.جی ذیروه‌سی سببی ایله اؤزبکیستانین باشکندی داشکند‌ده اولان جمهورباشقانی رجب طیب اردوغان، ایران جمهورباشقانی ابراهیم رئیسی ایله بیر آرایا گلدی.
جمهورباشقانلیغی ایله‌‌تیشیم باشقانلیغیندان وئریله‌ن آچیقلامایا گؤره، اردوغان ایله رئیسی آراسینداکی گؤروشمه‌ده، ایسرائیلین غزه‌یه قارشی سالدیریلاری نتیجه‌سینده یاشانان اینسانی بحران و حل اوچون آتیلماسی لازیم اولان آددیملار ایله تورکیه-ایران ایکیلی ایلیشکیلری و بؤلگه‌سل قونولار اله آلیندی.
جمهورباشقانی اردوغان گؤروشمه‌ده، ایسرائیلین سالدیریلارینی سونلاندیرماسینین بؤلگه و دونیا باریشینا خیدمت ائدجگینی ایفاده ائد‌رک، ایسلام امکداشلیق تشکیلاتینین، تشکیل ائدیله‌جک فؤوق‌العاده ذیروه‌ده عدالتلی بیر حله چاتماق اوچون چابا صرف ائتمه‌سی لازیم اولدوغونو سؤیله‌دی.
تورکیه‌نین ضامینلیک مسئولیتینی آلاراق مسئله‌نی حله قوووشدورماغا حاضر اولدوغونو وورغولایان جمهورباشقانی اردوغان، ایسلام دونیاسینین اورتاق توتوم آلاراق ایسرائیل اوزرین‌ده باسقینی آرتیرماسی لازیم اولدوغونو دیله گتیردی.