بودروم ساحللرینده قانونسوز مهاجیرلر قورتاریلیب
موغلا ویلایتینین بودروم قصبهسی ساحللرینده 113 قانونسوز کوچمن خلاص ائدیلیب.
2059902
موغلا ویلایتینین بودروم قصبهسی ساحللرینده 113 قانونسوز کوچمن خلاص ائدیلیب.
ساحل محافظه قوموتانلیغیندان وئریلن آچیقلامایا گؤره، بودروم قصبهسی ساحللرینده موختلیف واختلاردا فایبر قاییقلاردا و قورتاریجی قاییقلاردا قانونسوز مهاجیرلرین اولدوغو خبریندن سونرا قروپلار بؤلگهلره ایستیقامتلندیریلیب.
دایاندیریلان فایبر قاییقلاردا قانونسوز یوللاردان اؤلکه خاریجینه چیخماغا چالیشان جمعی 113 قانونسوز مهاجیر یاخالانیب. قاییقداکی مهاجیرلری قاچیران شوبههلی شخص ایسه ساخلانیلیب.
قانونسوز مهاجیرلر عملیاتلارین آردیندان ویلایت کؤچ ایدارهسی مدیرلیگینه تحویل وئریلیب.