هاکان فیدان بیر سیرا اؤلکه‌نین رسمی‌سی ایله گؤروشوب
هاکان فیدان بیر سیرا اؤلکه‌لرین خاریجی ایشلر ناظیرلری ایله غزه-ده‌کی سون حادثه‌لری موذاکیره ائدیب.
خاریجی ایشلر ناظیری هاکان فیدان یونانیستان، اوردون و سعودی عربیستانین‌دان اولان همکارلاری ایله غزه-ده‌کی سون حادثه‌لری موذاکیره ائدیب.
ناظیرلیک‌دن وئریلن معلوماتا گؤره، هاکان فیدان یونانیستان خاریجی ایشلر ناظیری یورگو گراپتریتیس، اوردون خاریجی ایشلر ناظیری ایمن الصفدی و سعودی عربیستانی خاریجی ایشلر ناظیری فیصل بن فرحان ایله آیری-آیری‌لیقدا تلفون دانیشیغی آپاریب.
تلفون دانیشیق‌لاریندا درحال آتشکس و غزه-ده دایمی باریشین تامین ائدیلمه‌سی اوچون آتیلا بیله‌جک آددیم‌لارین موذاکیره ائدیلدیگی بیلدیریلیب.
قئید ائدک کی، "حماس"ین سلاحلی قانادی عزالدین قسام گردان لاری ایسراییلین "فیلیسطین‌لیلره و اونلارین مقدس دگرلرینه، خصوصیله ده القصی مسجینیده قارشی داواملی پوزونتولارینا" جاواب وئرمک اساسیندا اوکتبرین 7-ده سحر ساعات‌لاریندا هرطرف‌لی هوجوما کئچیب. ایسراییل اوردوسو دا غزه زولاغینا شدتلی هاوا بومباردمان‌لاری باشلادیب.
ایسراییل رسمی‌لری غزه-دن گلن هوجوم‌لاردا 315-ی عسگر اولماقلا 1400-دن چوخ ایسراییل‌لی‌نین اؤلدوگونو، 5132 نفرین ایسه یارالاندیغینی آچیقلاییب.
ایسراییل اوردوسونون سؤزچوسو دانیال هاگاری غزه-ده قسام گردان لارینین الینده 240 ایسرایل‌لی اسیر اولدوغونو قئید ائدیب.
غزه-ده‌کی فیلیسطین ساغلیق ناظیرلیگی ایسراییلین هوجوم‌لاری نتیجه‌سینده 3648-ی اوشاق و 2290-ی قادین اولماقلا 8796 فیلیسطین‌لی‌نین هلاک اولدوغونو، 22219 نفرین ایسه یارالاندیغینی بیلدیریب.
