آلتون:"ایسراییلین هوجوملاریندا 38 ژورنالیست حیاتینی ایتیریب"
فخرالدین آلتون ایسراییلی هوجوملاری درحال دایاندیرماغا چاغیریب.
جمهور باشقانلیغی ایله تیشیم باشقانی فخرالدین آلتون بیلدیریب کی، غزه-ده وظیفهسینی یئرینه یئتیررکن اؤلدورولن مطبوعات منسوبلارینا اولوسلار آراسی توپلوم، مطبوعات و مئدیا قوروملاری سرت رئاکسیا گؤسترمهلیدیر.
فخرالدین آلتون سوسیال مئدیا حسابیندا ائتدیگی پایلاشیمدا 7 اوکتبر 2023-جو ایلدن بو یانا ایسراییلین غزه-یه آغیر هوجوملاریندا 38 ژورنالیستین حیاتینی ایتیردیگینی بیلدیریب.
فخرالدین آلتون اوشاقلارین، قادینلارین، قوجالارین، ژورنالیستلرین، طب ایشچیلرینین ده اولدوغو اینسانلارین قتله یئتیریلدیگی، اینسان حاقلاری پوزونتولارینین پیک حده چاتدیغی، مطبوعات آزادلیغینین، معلومات آلماق حقوقونون گؤزدن یاییندیریلدیغی، انگللندیگی، حتی وظیفهسینی یئرینه یئتیرن ژورنالیستلرین اؤلدورولدوگو بو پروسهسین قبول ائدیلمز اولدوغونو وورغولاییب:
"اولوسلار آراسی توپلوم، مطبوعات و مئدیا قوروملاری بو بیابیرچیلیغا و اینسانی بحرانا قارشی داها چوخ سس اوجالتمالی، وظیفهسینی یئرینه یئتیررکن شهید اولان مطبوعات منسوبلاری اوچون سرت رئاکسیا گؤسترمهلیدیر".
فخرالدین آلتون ایسراییلی هوجوملاری درحال دایاندیرماغا چاغیریب.
قئید ائدک کی، "حماس"ین سلاحلی قانادی عزالدین قسام گردان لاری ایسراییلین "فیلسطین لیلره و اونلارین مقدس دگرلرینه، خصوصیله ده القصی مسجینیده قارشی داواملی پوزونتولارینا" جاواب وئرمک اساسیندا اوکتبرین 7-ده سحر ساعاتلاریندا هرطرفلی هوجوما کئچیب. ایسراییل اوردوسو دا غزه زولاغینا شدتلی هاوا بومباردمانلاری باشلادیب.
ایسراییل رسمیلری غزه-دن گلن هوجوملاردا 315-ی عسگر اولماقلا 1400-دن چوخ ایسراییللینین اؤلدوگونو، 5132 نفرین ایسه یارالاندیغینی آچیقلاییب. غزه زولاغینداکی قورو عملیاتیندا باش وئرن قارشیدورمالاردا ایسه 31 اوکتبردان بری اؤلدورولن ایسراییل عسگرلرینین سایینین 17-یه چاتدیغی آچیقلانیب.
ایسراییل اوردوسونون سؤزچوسو دانیال هاگاری غزه-ده قسام گردان لارینین الینده 240 ایسرایللی اسیر اولدوغونو قئید ائدیب.
غزه-دهکی فیلیسطین ساغلیق ناظیرلیگی ایسراییلین هوجوملاری نتیجهسینده 3648-ی اوشاق و 2290-ی قادین اولماقلا 8796 فیلیسطینلینین هلاک اولدوغونو، 22219 نفرین ایسه یارالاندیغینی بیلدیریب.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.