علی یئرلیکایا: "تورکیه-نین ترورلا موباریزه‌سی عزم ایله داوام ائدیر"
ایچ ایشلر ناظیری علی یئرلیکایا دیاربکر ویلایتی‌نین لیجه قصبه‌سینده 1-ی نارینجی، 2-سی بوز کاتقوری-ده آختاریلان 3 ترورچونون ضررسیزلشدیریلدیگینی، شیرناک-دا ایسه 1 ترورچونون ساخلانیلدیغینی بیلدیریب.
ایچ ایشلر ناظیری علی یئرلیکایا دیاربکر ویلایتی‌نین لیجه قصبه‌سینده 1-ی نارینجی، 2-سی بوز کاتقوری-ده آختاریلان 3 ترورچونون ضررسیزلشدیریلدیگینی، شیرناک-دا ایسه 1 ترورچونون ساخلانیلدیغینی بیلدیریب.
علی یئرلیکایا سوسیال مئدیا حسابیندا ائتدیگی پای‌لاشیمدا شهیدلرین قانی‌نین یئرده قالمادیغینی وورغولایا‌راق، سون ترورچو ضررسیزلش‌دیری‌لنه قدر ترورلا موباریزنی عزم ایله داوام ائتدیره‌جک‌لرینی بیلدیریب.
عملیات‌لارلا باغلی معلومات وئرن یئرلیکایا دیاربکر ویلایتی‌نین لیجه کیییکؤی چؤلونده عسگرلرین ترورچولارین قاچیش ایستیقامت‌لرینی کسدیگی و اراضینی محاصره‌یه آلدیغی عملیاتدا بولوجو ترور تشکیلاتی پ.کا.کا عضوو 3 ترورچونون ضررسیزلشدیریلدیگینی قئید ائدیب.
یئرلیکایا بیلدیریب کی، ضررسیزلشدیریلن ترورچولار آراسیندا "بدران هوجا" کد آدلی ناظیم حیکمت اؤلگئن نارینجی کاتقوریده ، "جیوان" کد آدلی اونور کامیل اوغلو و "سید باتمان بروسک" کد آدلی محمد گؤنیلی ایسه بوز کاتقوریده آختاریلیردی.
یئرلیکایا شیرناک ویلایت ژاندارما قوموتانلیغی‌نین حیاتا کئچیردیگی عملیاتدا پ.کا.کا عضوو حسن بینبیرین توتولا‌راق حبس ائدیلدیگینی ایفاده ائده‌رک، ترورچولارین ایشتیراک ائتدیگی هوجوم‌لار باره‌ده ده معلومات وئریب.
