تورکیهدن غزهیه ایکی یاردیم اوچاغی داها
"بو گون ده سحر ساعاتلاریندا هاوا گوجلریمیزه عاید ایکی اوچاق داها کؤمک لوازیمینی چاتدیرماق اوزره آنکارادان مصره حرکت ائتدی"
میللی ساوونما باخانلیغی، غزه اوچون کؤمک لوازیمی داشییان هاوا گوجلرینه عاید ایکی اوچاغین داها مصره گؤندریلدیگینی بیلدیردی.
میللی ساوونما باخانلیغیندان وئریلهن آچیقلامادا،
"غزه اوچون حاضرلانان کؤمک لوازیمینی مصره چاتدیرماغا داوام ائدیریک. دونن گئرچکلشن ایکی سفرین آردیندان بو گون ده سحر ۰۶.۰۰دا و ۰۷.۳۰دا هاوا گوجلریمیزه عاید ایکی اوچاق داها کؤمک لوازیمینی چاتدیرماق اوزره آنکارادان مصره حرکت ائتدی" ایفادهلرینه یئر وئریلدی.
بو آرادا، غزهیه کؤمک اوچون گئدن دکتر و ساغلیق مسئوللارینین آراسیندا یئر آلان ساغلیق باخانلیغی خاریجی ایلیشکیلر و آوروپا بیرلیگی باش مودورو سلامی قیلیچ، تورکیهنین غزهلی یارالیلار اوچون کؤمکلری چرچیوهسینده، بؤلگهده ایکی صحرا خستهخاناسی قوراجاقلارینی سؤیلهدی.
قیلیچ، دونیا ساغلیق هؤرگوتو، دیگر اولوسلارآراسی قورولوشلار و دیگر اؤلکهلرین طلبلرینین هله قارشیلانمادیغینی، بو سببله یالنیز تورکیهنین قروپلارینین بؤلگهیه کؤمک چاتدیردیغینی بیلدیردی.