آمریکانین ایستانبول باش کونسوللوغو قارشیسیندا اعتراض
اعتراضچیلار آخشام ساعاتلاریندا ساری‌یئرده‌کی آمریکانین ایستانبول باش کونسوللوغو قارشیسیندا توپلاناراق، غزه‌یه قارشی سالدیریلارا تپکی وئردی
ایسرائیلین غزه‌ده‌کی الاهلی باپتیست خسته‌خاناسینا تشکیل ائتدیگی بومبالی سالدیرییا، آمریکا بیرلشمیش دؤولتلرینین ایستانبول باش کونسوللوغو قارشیسیندا اعتراض ائدیلدی.
اعتراضچیلار آخشام ساعاتلاریندا ساری‌یئرده‌کی آمریکانین ایستانبول باش کونسوللوغو قارشیسیندا توپلاناراق، غزه‌یه قارشی سالدیریلارا تپکی وئردی.
آمریکا و ایسرائیل علیه‌ینه شعارلار وئرن قروپداکیلار، سالدیریلاردا اؤلنلر اوچون دعا ائتدی، قرآن کریم اوخودو.
ائدیله‌ن دانیشمالاردا آمریکانین ایشغالچی ایسرائیل رژیمینین حمایه‌چیسی و سوچ اورتاغی اولدوغو وورغولاندی.
غزه‌ده خسته‌خانایا تشکیل ائدیله‌ن سالدیریدا بیر چوخ ساوونماسیز سوچسوز اینسانین اؤلدوگونه ایشاره ائدیله‌ن دانیشمالاردا فیلیسطین‌لیلرله دایانیشما مئساژلاری وئریلدی.
ایسرائیل، غزه‌نین مرکزینده‌کی الاهلی باپتیست خسته‌خاناسینی بومبالامیش، قیرغیندا ۴۷۱ وطنداش حیاتینی ایتیرمیشدی.
ایسرائیلین ۷ اکتبردا باشلایان سالدیریلاریندا ۳ میندن چوخ فیلیسطین‌لی جان وئردی، ۱۲ مین ۵۰۰دن چوخ فیلیسطین‌لی ده یارالاندی.
