جمهور باشقانی اردوغان بیر سیرا دیپلوماتیک گؤروش‌لر کئچیریب

جمهور باشقانی رجب طیب  اردوغان فیلیسطین، ایسراییل، لوبنال، قطر و مصر لیدئرلری ایله تلفون علاقه‌سی ساخلاییب.

جمهور باشقانی رجب طیب اردوغانین فیلیسطین پرزیدنتی محمود عباس ایله گؤروشونده ایسراییل و فیلیسطین-ده باش وئرن‌لر و بؤلگه‌ده‌کی گرگین‌لیکله باغلی سون حادثه‌لر موذاکیره ائدیلیب.

جمهور باشقانی رجب طیب  اردوغان بیلدیریب کی، تورکیه بؤلگه‌ده‌کی موناقیشه‌لرین تئز بیر زاماندا سونا چاتماسی اوچون هر جور سعی گؤستریر.

جمهور باشقانی رجب طیب  اردوغان لوبنان-ین باش ناظیری نجیب میقاتی ایله ده تلفون علاقه‌سی ساخلاییب.

جمهور باشقانی رجب طیب  اردوغان صحبت زامانی بیان ائدیب کی، تورکیه ایسراییل و فیلیسطین آراسینداکی موناقیشه‌لره سون قویماق اوچون سعی‌لرینی داوام ائتدیره‌جک.

ایسراییل و تورکیه پرزیدنت‌لری آراسیندا باش توتان تلفون دانیشیغیندا ایسه ایسراییل و فیلیسطین-ده باش وئرن حادثه‌لر و بؤلگه‌ده‌کی گرگین‌لیکله باغلی سون پروسه‌لر موذاکیره ائدیلیب.

غزه خالقینا ضرر وئره بیله‌جک هر هانسی آددیمین بؤلگه‌ده‌کی آجی‌لاری داها دا آرتیراجاغینی وورغولایان جمهور باشقانی اردوغان بؤلگه‌ده ان قیسا زاماندا امین-آمانلیغین برقرار اولماسی‌نین بؤیوک اهمیت کسب ائتدیگینی دئییب.

جمهور باشقانی اردوغان بیلدیریب کی، تورکیه بؤلگه‌ده ناراحات‌لیق دوغوران موناقیشه‌لره سون قویماق و دایمی باریشین تامین اولونماسی اوچون سعی‌لرینی داوام ائتدیره‌جک.

جمهور باشقانی رجب طیب  اردوغانین قطر امیری شیخ تمیم بن حامد آل ثانی ایله تلفون دانیشیغیندا ایسراییل-فیلیسطین گرگین‌لیگی سببیندن بؤلگه‌ده آرتان موناقیشه‌لر موذاکیره ائدیلیب و بو مؤوضوع لار اطرافیندا فیکیر موبادیله‌سی آپاریلیب.

تورکیه پرزیدنتی‌نین میصر پرزیدنتی عبدالفتاح السیسی ایله تلفون دانیشیغیندا ایسراییل-فیلیسطین گرگین‌لیگی ایله باغلی سون پروسه لر موذاکیره ائدیلیب و گرگینلیگین آرا‌دان قالدیریلماسی اوچون گؤروله‌جک ایشلر قیمتلندیریلیب.

حماس-ین حربی قانادی قسام گردان لاری شنبه گونو ایسراییله قارشی "القصی طوفانی" آدلی هرطرف‌لی هوجوما کئچدیگینی آچیقلاییب. غزه-دن ایسراییله دوغرو مین‌لرله راکت آتیلیب. سلاحلی قروپ‌لار بؤلگه‌ده‌کی یاشاییش منطقه‌لرینه داخیل اولوب.

ایسراییل اوردوسو دا دؤیوش اوچاق لاری ایله غزه زولاغینا قارشی دمیر قیلینجلار عملیاتینا باشلادیغینی آچیقلاییب.

گرگین‌لیک سببیندن هر ایکی طرف ده چوخ سایدا ایتکی وئریب.