اردوغانین فلیسطین - اسرائیل چاغریسی دونیا مطبوعاتیندا
"ساواشی قیزیشدیرمانین باشدا هر ایکی طرفدهکی وطنداشلار اولماق اوزره هئچ کیمه بیر فایداسی اولماز"
جمهورباشقانی رجب طیب اردوغانین اسرائیل-فلیسطین چاتیشماسینین سونا چاتدیریلماسی یولونداکی چاغریسی دونیا مطبوعاتیندا گئنیش یئر آلدی.
جمهورباشقانی اردوغان، دونن فلیسطین-اسرائیل گرگینلیگینه باغلی، "تورکیهنین چاتیشمالارین بیر آن اول دورماسی، سون حادثهلرله بیرلیکده داها دا آرتان گرگینلیگین سالینماسی اوچون الیندن گلهنی ائتمهیه حاضر اولاجاغینی" دیله گتیردی.
فلیسطین مسئلهسینین اولوسلارآراسی حقوقا گؤره حل ائدیلمهسی لازیم اولدوغونو وورغولایان اردوغان،
"ساواشی قیزیشدیرمانین باشدا هر ایکی طرفدهکی وطنداشلار اولماق اوزره هئچ کیمه بیر فایداسی اولماز" دئدی.
اردوغانین بو چاغریسی دونیا مطبوعاتیندا گئنیش یئر آلدی.
اینگیلیس ده ساندی تایمز قزئتی، "تورکیه گرگینلیگین سالینماسینی تکلیف ائتدی" باشلیغی ایله اردوغانین چاغریسینی دویوردو.
خبرده، جمهورباشقانی اردوغانین اسرائیل و حماسی "باریشی دستکلهمهیه" و
وطنداشلارا ضرر وئرمکدن قاچینماغا چاغیردیغی وورغولاندی.
خبرده، "هم اسرائیل هم ده مسلمان دونیاسیندا نفوذ صاحبی آز ساییداکی دؤولتدن بیری اولان تورکیه، چاتیشمانین یاتیریلماسینا کؤمک ائتمهگی تکلیف ائتدی" ایفادهسینه یئر وئریلدی.
اردوغانین بؤلگهده گرگینلیین سالینماسینا دایر چاغریسی آلمان مطبوعاتیندا دا یئر آلدی.
فرانکفورتر آلگماینه قزئتی، اردوغانین "بوتون طرفلری اعتداللا حرکت ائتمهیه و گرگینلیگی آرتیراجاق تلهسیک آددیملاردان اوزاق دورماغا چاغیریریق" آچیقلاماسینی اؤنه چیخاردی.
آلمان کانالی انتیوی ده اینترنت سایتینداکی خبرینده جمهورباشقانینین آچیقلاماسینی، "اردوغان اورتا دوغودا باریشین شرطلرینی آچیقلادی" باشلیغییلا یاییملادی.
یونان آتن خبر آژانسی دا، "اردوغان اسرائیل و حماسی 'باریشی دستکلهمهیه' چاغیریر" باشلیغیندان ایستیفاده ائتدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی