اردوغان گوندمی دگرلندیردی
"عشیرتلرین بیر آرایا گلمک صورتی ایله پ‌کاکایا، ی‌پ‌گ‌یه قارشی قویدوقلاری توتوم، حیثیتلی بیر اونور موباریزه‌سیدیر"
جمهورباشقانی رجب طیب اردوغان،
"اؤلکه‌میزی انرژی مرکزی ائدجییک دئمیشدیک، بونون اوچون لازیم اولان آلت یاپی و فیزیکی ایمکانلاری تامین ائدیریک" دئدی.
اردوغان، بیر گونلوک ایش سفری چرچیوه‌سین‌ده گئتدیگی روسیادان قاییدارکن، اوچاقدا دگرلندیرمه‌لر وئردی.
روس گازینین تورکیه اوزرین‌دن آوروپایا کؤچورولمه‌سی قونوسون‌دا جمهورباشقانی اردوغان،
"سایین (روسیا دؤولت باشقانی ولادیمیر) پوتین ایله گؤروشمه‌میزده انرژی سئکتورونو آیری باشلیقلارلا اله آلیریق. انرژی محصوللارینین اؤلکه‌میز اوزرین‌دن آوروپایا و دونیایا چاتدیریلماسی اوچون فرق‌لی پروژه‌لری حیاتا گئچیرجییک.
تورکیه‌ده قورولاجاق طبیعی گاز مرکزی ایله هم انرژی نقلی هم ده قیمتله‌ندیرمه مؤوضوعلارین‌دا ایر‌لیله‌مه تامین ائدیله‌جک. اؤلکه‌میزی انرژی مرکزی ائدجییک دئمیشدیک، بونون اوچون لازیم اولان آلت یاپی و فیزیکی ایمکانلاری تامین ائدیریک.
سون ایللرده‌کی سرمایه‌لریمیزله اؤلکه‌میزی بؤلگه جغرافیاسی اوچون اؤنملی بیر طبیعی گاز مرکزی حالینا گتیره‌جییک. تورکیه‌نی اؤنجه بؤلگه‌سینین سونرا دا قلوبال انرژینین مرکزی حالینا گتیرمه هدفیمیزه آددیم-آددیم یاخینلاشیریق" دئدی.
"قارشیلیق‌لی سایغی تملین‌ده تاسیس ائتدیگیمیز قوروملار آراسی دیالوگون فایداسینی هم ایکیلی ایلیشکیلریمیزده هم ده بؤلگه‌سل و قلوبال سویه‌ده گؤردوک" دئیه‌ن اردوغان بونون ان گؤزل نومونه‌سینین قاراد‌نیز گیریشیمی اولدوغونو ایفاده ائد‌رک،
"گیریشیمین یئنیدن جانلاندیریلماسی بوتون دونیا باخیمیندان اؤنجه‌لیکلی بیر قونودور. بو قونودا بیرلشمیش میللتلر ایله یاخین تماس ایچینده‌ییک. بو آی ایچریسینده بیرلشمیش میللتلر باش قورولوموز وار. اورادا (بیرلشمیش میللتلر باش کاتیبی آنتونیو) گوترش ایله یئنه گؤروشمه‌لریمیز اولاجاق بو مؤوضوعلاری دا اله آلاجاغیق. باش کاتیب سایین گوترشین چابالارینی تقدیر ائتدیگیمیز و دستکله‌دیگیمیزی ده تکرار ایفاده ائتمک ایستیره‌م" دئدی.
جمهورباشقانی، سوریه‌ده دیرالزوردا عرب عشیرتلرله بؤلوجو ترور هؤرگوتو پ‌کاکا/ی‌پ‌گ‌لی تروریستلرین چاتیشماسی قونوسون‌دا ایسه،
"بو آندا یاشانان، عرب عشیرتلرینین بیرلیک، برابرلیک ایچریسینده اؤز تورپاقلارینا صاحب چیخما سالدیریسی، آدیمیدیر. بو باخیمدان یاشانانلاری اؤنملی ساییرام. عرب عشیرتلر اورالارین گئرچک صاحبلریدیر. اورالارین گئرچک صاحبلری بو ترور هؤرگوتلری دئییل. عشیرتلرین بیر آرایا گلمک صورتی ایله پ‌کاکایا، ی‌پ‌گ‌یه قارشی قویدوقلاری توتوم، حیثیتلی بیر اونور موباریزه‌سیدیر. هم میللیدیر هم یئرلیدیر" دئیه دانیشدی.
"پ‌کاکا/ی‌پ‌گ‌نین، ترور فعالیتلری ایله بؤلگه خالقلارینا حیات حاقی تانیمادیغینی، بو هؤرگوتلره دستک وئره‌ن اؤلکه‌لرین گؤرمه‌سی لازیمدیر" دئیه‌ن اردوغان،
"آمریکا بیرلشمیش دؤولتلری و روسیایا پ‌کاکا/ی‌پ‌گ‌نین ترور فعالیتلری و اؤلکه‌میزی تهدید ائد‌ن فعالیتلرینه قارشی بیلگیلندیرمه‌لری داواملی ائدیریک. دیرالزورداکی نفتین کنترلو اوچون بو ترور هؤروتونون ائتمه‌یه‌جگی قیرغین، تروریست فعالیت یوخدور. بو قونودا مخاطب اؤلکه‌لره لازیم اولان اویاریلاریمیزی ائتدیک، ائدیریک. آمریکانین بو ترور هؤرگوتونه ائتدیگی مهمات و سلاح یاردیمینین بؤلگه‌نین دینجلیگینه خیدمت ائتمه‌دیگی گؤرولدو. ترور هؤرگوتونه وئریله‌ن هر سلاح، بؤلگه‌ده آخان قانین سورمه‌سینه، عراق و سوریه‌نین تورپاق بوتونلوگونون پوزولماسینا خیدمت ائتمکده‌دیر" دئدی.
سوریه ایله نورماللاشما سوره‌جی حاقین‌دا ایسه جمهورباشقانی،
"ترورلا موباریزه، سیاسی سوره‌ج، سیغینماجیلارین گوونلی، کؤنوللو و شرف‌لی قاییدیشلاری جامع شکیل‌ده دؤردلو خاریجی ایشلر باخانلاری ییغینجاغیندا اله آلینیر. بو باشلیقلاردا ایر‌لیله‌مه اولسا سوریه رژیمی ایله ده ایلیشکیلرین نورماللاشماسی مومکوندور. سوریه رژیمی ایله ایجرا ائدیله‌ن دؤردلو سوره‌جین باشین‌دان اعتباراً اؤن قوشولسوز اولماسی لازیم اولدوغونو سؤیله‌دیک" ایفاده‌لرینی ایشلتدی.
