بولقاریستاندان تورکیه‌یه دستک
"بولقاریستان، آنکارانین آوروپا یولون‌داکی بو گیریشیمینی دستکله‌مکده‌دیر"
بولقاریستان باشباخان کؤمکچی‌سی و خاریجی ایشلر باخانی ماریا گابریل، تورکیه‌نین آوروپا بیرلیگی عضولوک سوره‌جینه باغلی،
"بولقاریستان، آنکارانین آوروپا یولون‌داکی بو گیریشیمینی دستکله‌مکده‌دیر" دئدی.
باشکند آنکارادا اولان گابریل، خاریجی ایشلر باخانی حاکان فیدان ایله باخانلیقدا‌کی گؤروشمه‌سینین آردین‌دان تشکیل ائدیله‌ن اورتاق مطبوعات کنفرانسیندا دانیشدی.
سفرینین سون درجه اؤنملی بیر دؤنمده گئرچچکلشدیگینه دقت چکه‌ن مارییا گابریل،
"گؤروشمه‌میز سیراسیندا چوخ آچیق اولاراق استراتژیک و اورتاق چیخارلاری ماراقلاندیران قونولاری اله آلدیق. طبیعی کی قونشو اؤلکه‌لر و ناتو عضولری اولاراق تورکیه و بولقاریستان هر شئیدن اؤنجه قاراد‌نیز بؤلگه‌سینده گوونلیگین تاسیس ائدیلمه‌سی و قورونماسی اوچون مسئول اولماقدادیر" ایفاده‌سینی ایشلتدی.
گابریل، تورکیه‌نین آوروپا بیرلیگی عضولوک سوره‌جینه باغلی، "تورکیه، آوروپا بیرلیگی عضولوک سوره‌جینده. بولقاریستان دا عضو اولاراق آنکارانین آوروپا یولون‌داکی بو گیریشیمینی دستکله‌مکده‌دیر" دئدی.
گابریل، (تورکیه‌ده) آوروپا میسیونو چرچیوه‌سینده چوخ گؤزل ایشلر ایجرا ائدیلدیگینی ایفاده ائد‌رک، مثبت نومونه‌لری و باشاریلی اؤیکولری اؤن پلانا چیخاراجاقلارینی قید ائتدی.
