هاکان فیدان ایله فرانسا‌لی همکاری آراسیندا تلفون دانیشیغی اولوب

خاریجی ایشلر ناظیری هاکان فیدان ایله فرانسانین خاریجی ایشلر ناظیری کاترین کولونا  آراسیندا تلفون دانیشیغی اولوب.

خاریجی ایشلر ناظیرلیگی‌نین معلوماتینا گؤره، هاکان فیدان گؤروش زامانی قوزیی قیبریس تورک جمهوریتی حکومتی‌نین "پیله-ییغیتلر یولو" لاییحه‌سی ایله باغلی کولونانی معلوماتلاندیریب.

گؤروشده قارا دنیز تاخیل تشببوسو ده موذاکیره اولونوب.

قئید ائدک کی، قوزیی قیبریس تورک جمهوریتی خاریجی ایشلر ناظیرلیگی "پیله-ییغیتلر یولو" لاییحه‌سی‌نین قوزیی قیبریس تورک جمهوریتیندن بیرلشمیش میللت‌لر تشکیلاتی‌نین (بمت) نظارتی آلتیندا اولان یاشیل خط اوزرینده‌کی پیله کندینه آسان گئدیش-گلیشی تامین ائتمک اوچون تامامیله اینسانی سبب‌لرله حاضیرلاندیغینی آچیقلاییب.

قوزیی قیبریس تورک جمهوریتی خاریجی ایشلر ناظیرلیگیندن وئریلن یازیلی آچیقلامادا قئید اولونوب کی، "پیله-ییغیتلر" یولونون گئنیشلندیریلمه‌سی و آبادلاشدیریلماسی اوچون حاضیرلانان لاییحه، پیله اها‌لی‌سی‌نین بؤلگه‌ده‌کی اراضی‌لره آسان‌لیقلا داخیل اولماسی، بؤلگه اها‌لی‌سینی اقتصادی جهت‌دن اینکیشاف ائتدیرمک و پیله کندینه اینگیلیس اگمن بازا بؤلگه سینه محتاج اولما‌دان کئچید تامین ائتمک مقصدیله حیاتا کئچیریلیب.