تورکیه - میصر آراسینداکی تیجارت حجمی آرتیریلیر

تورکیه-نین تیجارت ناظیری عمر بولات 5 ایل عرضینده میصرله قارشی‌لیق‌لی تیجارتی 15 میلیارد دو‌لارا چاتدیرماغی هدفلدیک‌لرینی بیلدیریب.

ناظیر عمر بولات میصرین صنایع و تیجارت ناظیری احمد سمیر صالح و اونو ائشلیق ائدن ایش دونیاسی نوماینده‌لرینی تیجارت ناطیرلیگینده قبول ائدیب.

گؤروشله باغلی تویتتر حسابیندان پای‌لاشیم ائدن عمر بولات احمد سمیر صالح ایله ایکی اؤلکه آراسینداکی تیجاری و اقتصادی علاقه‌لری دیرلندیردیک‌لرینی قئید ائدیب.

تیجارت ناظیری اقتصادی علاقه‌لرده یئنی یول خریطه‌سی معین ائتدیک‌لرینی بیل‌دیره‌رک دئییب:.

"میصر ایله قارشی‌لیق‌لی تیجارتیمیزی 5 ایل عرضینده 15 میلیارد دو‌لارا چات‌دیرماق، آزاد تیجارت سازیشیمیزی (STA) تکمیل‌لش‌دیرمک اوچون بیرگه کومیته ایجلاسیمیزی کئچیرمک، یاتیریم لار و موقاویله خیدمت‌لری ساحه‌سینده امکداشلیغیمیزی اینکیشاف ائتدیرمک، یئرلی تیجارت ایمکان‌لارینی آراش‌دیرماق قرارینا گلدیک. بو گؤروشده قبول ائتدیگیمیز قرارلاری تعقیب ائتمک اوچون تیجارت مصلحت لشمه مخانیزمی چرچیوه‌سینده تئزلیکله قاهیره‌ده گؤروشمه قراری آلدیق".

تورکیه تیجارت ناظیرلیگی‌نین یایدیغی بیاناتدا ایسه، قارشی‌لیق‌لی سرمایه‌لرین آرتیریلماسی نقطه‌سینده یاتیریمجیلارا  لازیمی راحت‌لیغی تامین ائتمک اوچون گوجلو امکداشلیغین قورولماسی ایستیقامتینده اوزلاشما الده ائدیلدیگی بیلدیریلیب.

بیاناتدا "تیجارت ناظیرلری آراسیندا سون 10 ایلده ایلک قارشی‌لیق‌لی سفر اولماسی باخیمیندان اهمیت‌لی اولان گؤروش، ایکی اؤلکه آراسیندا قارشی‌داکی دؤورده ایره‌لیله‌یه‌جک تیجاری و اقتصادی امکداش‌لیق اوچون مهم اساس تشکیل ائدیر" ایفاده‌لریندن ایستیفاده اولونوب.