پلیسه سالدیران قادین تروریست ضررسیزلشدیریلدی
حادثه یئرینه سؤوق ائدیلهن اؤزل حرکات قروپلارینین گئرچکلشدیردیگی عملیاتدا پکاکالی قادین تروریست ضررسیز حالا گتیریلدی
ماردینین نصیبین ائلچهسینده، پلیسلره سلاحلی سالدیری تشکیل ائدن بؤلوجو ترور هؤرگوتو پکاکا منسوبو قادین تروریست ضررسیز حالا گتیریلدی.
نصیبینده بیر قادین، شوبههلی حرکتلری سببی ایله گلن خبر اوزرینه بو شبههلی قادینین گیردیگی یئره گئدن و کیملیک بیلگیسینی آلماق ایستهیهن پلیس مأمورلارینا سلاحلا سالدیردی.
سالدیریدان پلیس اکیبلری یارا آلمادان قورتولارکن، حادثه یئرینه سؤوق ائدیلهن اؤزل حرکات قروپلارینین گئرچکلشدیردیگی عملیاتدا پکاکالی قادین تروریست ضررسیز حالا گتیریلدی.
ائوده ائدیلهن آختاریشدا؛ ۲ سوسدوروجو، ۲ تاپانچا، ۲ ال بومباسی، ۴ دولو تاپانچا خشابی، ۲۰ فیشنگ و هؤرگوتسل سندلر اله گئچریلدی.
الده ائدیلهن سندلرین آراشدیریلماسیندا نصیبین ائلچهسیندهکی دؤولت قوروم، قورولوش و پرسنلینه دایر، چوخ ساییدا بیلگی ییغما چالیشماسینا عاید یازیلار الده ائدیلدی. بؤیوک بیر ائیلم گئرچکلشدیرمک اوزره نصیبینه گلدیگی معین ائدیلهن پکاکالی تروریستین کیملگینین تعیینی اوچون ایشلر داوام ائدیر.
اؤته یاندان، ایستانبولدا بؤیوک بیر ائیلم آرخاسیندا اولدوقلاری معین ائدیلهن پکاکالی ۲ تروریست یاخالاندی.
سوریه و عراقدا فعالیت گؤستردیکلری معین اولونان تروریستلرین عدلی ایشلری داوام ائدیر.