اردوغانین کؤرفز سفری باشلادی
جمهورباشقانی اردوغان، سعودی عربیستانا حرکتی اؤنجهسینده ایستانبولدا آتاتورک هاوالیمانیندا مطبوعات کنفرانسی تشکیل ائتدی
جمهورباشقانی رجب طیب اردوغان، بو گون سورهسی دولان قارادنیز تاخیل کوریدورو آنلاشماسییلا باغلی اولاراق،
"روسیا دؤولت باشقانی (ولادیمیر) پوتینین بو اینسانی کؤرپونون داوامینی ایستهدیگینه اینانیرام" دئدی.
جمهورباشقانی اردوغان، سعودی عربیستانا حرکتی اؤنجهسینده ایستانبولدا آتاتورک هاوالیمانیندا مطبوعات کنفرانسی تشکیل ائتدی.
روسیا-اوکراینا آراسینداکی چاتیشمالارین داها چوخ ییخیما، گؤزیاشی و دراما یول آچماماسی اوچون سیخ چابا گؤستردیکلرینی خاطیرلادان اردوغان، بیرینجی ایلینه گیرمک اوزره اولان قارادنیز گیریشیمینین اؤنملی بیر دیپلوماتیک باشاری اولاراق ایندیدن تاریخه گئچدیگینی ایفاده ائتدی.
اردوغان، گیریشیم سایهسینده دونیا بازارلارینا ۳۳ میلیون توندان چوخ تاخیل محصولو گؤندریلدیگینی، بئلهجه گلیر سویهسی آشاغی بیر چوخ اؤلکهنین غذا بحرانینا سوروکلنمهسینین اؤنونه گئچیلدیگینی سؤیلهدی.
بو گون سورهسی دولان قارادنیز گیریشیمینین داوام ائتمهسی اوچون تورکیهنین دیپلوماتیک چابالارینی سون گونلرده سیخلاشدیردیغینی دیله گتیرهن اردوغان،
"بو گون وئریلهن آچیقلامایا باخمایاراق روسیا فداراسیونو دؤولت باشقانی پوتین بو اینسانی کؤرپونون داوامینی ایستهدیگینه اینانیرام. بلکه بو آرادا آگوستو گؤزلهمهدن سایین پوتین ایله ده بیر تلفن دانیشماسی ایله آددیملاریمیزی معین ائدریک" شکلینده دانیشدی.
جمهورباشقانی اردوغان، سعودی عربیستان، قطر، بیرلشمیش عرب امرلیکلری و قوزئی قیبریس تورک جمهوریتینی احاطه ائدن سفرینه باغلی دا، اؤنجهلیکلی گوندملرینین بو اؤلکهلر ایله اؤنوموزدهکی دؤنمده ایجرا ائدیلهجک اورتاق سرمایه و تیجاری فعالیتلر اولاجاغینی سؤیلهدی.
کؤرفز اؤلکهلری ایله ایکیلی تیجارت حجمینین سون ۲۰ ایلده ۱،۶ میلیارد دلاردان تخمیناً ۲۲ میلیارد دلارا یوکسلدیگینی بیلدیرن اردوغان،
"اؤزللیکله ایسلام دونیاسیندا یاشانان بحرانلار، تورکیه و کؤرفز اؤلکهلری آراسیندا یاخین موشاویره و امکداشلیغی ضروری قیلیر" دئیه دانیشدی.
اردوغان، کؤرفز اؤلکهلرینه سفرینده تورکیهنین غرور قایناغی اولان الکتریکلی اتوموبیلی توگون مخاطبلرینه هدیه اولاراق وئریلهجگینی ده بیلدیردی.
روسیا دؤولت باشقانلیغی (کرملین) سؤزچوسو دمیتری پئسکوو، قارادنیز تاخیل کوریدورو آنلاشماسینین دوردورولدوغونو، ایلگیلی شرطلر تطبیق اولوندوغوندا روسیانین آنلاشمایا قاییداجاغینی بیلدیرمیشدی.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.