اردوغان: بشار اسد ایله گؤروشمه‌یه قاپالی دئییلیک
"عدالت‌لی یاناشما اولدوق‌دان سونرا مسئله یوخ، بونلارین هامیسینی آشاریق"
جمهورباشقانی رجب طیب اردوغان، سوریه دؤولت باشقانی بشار اسد ایله گؤروشمه‌یه قاپالی اولمادیقلارینی سؤیله‌دی.
جمهورباشقانی اردوغان، سعودی عربیستانا حرکتی اؤنجه‌سین‌ده ایستانبول‌دا آتاتورک هاوالیمانین‌دا مطبوعات کنفرانسی تشکیل ائتدی.
اردوغان، سوریه ایله نورماللاشما سوره‌جینه باغلی، تورکیه‌نین، بو اؤلکه ایله قاپینی باغلاما کیمی بیر دورومونون سؤز قونوسو اولمادیغینی، دؤردلو (روسیا و ایرانین ایشتیراکییلا) ذیروه‌لرین ائدیلمه‌سینی ایسته‌دیگینی ایفاده ائد‌رک،
"اما بیز بشار اسد ایله ده گؤروشمه نقطه‌سین‌ده قاپالی دئییلیک. گؤروشریک، بوتون مسئله اونلارین بیزه یاناشما طرزی اؤنملی. بو آندا طبیعی سوریه‌ده اسد تأسف کی، تورکیه‌نین قوزئی سوریه‌دن چیخماسینی ایسته‌ییر. بئله بیر شئی اولابیلمز. چونکو بیز اورادا ترورلا موباریزه ائدیریک./.../ عینی ایفاده‌نی فرق‌لی اؤلکه‌لره قوللانابیلیر می؟ قوللانابیلمیر، اونون اوچون ده عدالت‌لی یاناشما آختاریریق. بو عدالت‌لی یاناشما اولدوق‌دان سونرا مسئله یوخ، بونلارین هامیسینی آشاریق" دئیه دانیشدی.
