۱۵ جولای چئوریلیش گیریشیمینین ۷.جی ایل‌دؤنومودور
تورکیه جمهوریتینین میللی بیرلیک و بوتونلوگونه قصد ائتمک نیتی ایله اؤلکه‌نی قارانلیغا بوغماق ایسته‌یه‌ن فئتؤ منسوبلاری، ۱۵ جولای ۲۰۱۶دا خاین چئوریلیشه گیریشدی
بو گون، فتح‌الله‌چی ترور هؤرگوتونون (فئتؤ) خاین چئوریلیش گیریشیمینین ۷.جی ایل‌دؤنومودور.
تورکیه جمهوریتینین میللی بیرلیک و بوتونلوگونه قصد ائتمک نیتی ایله اؤلکه‌نی قارانلیغا بوغماق ایسته‌یه‌ن فئتؤ منسوبلاری، ۱۵ جولای ۲۰۱۶دا خاین چئوریلیشه گیریشدی.
تورک دموکراسیسینی هدف آلان بو خاین گیریشیم، تورک خالقینین دموکراسیسینی و سئچیلمیش ایراده‌نی قوروماق اوچون گؤستردیگی حماسی دیرنیشله گئری پوسکورتولدو.
اؤلکه‌نین باشدا عسگریه و امنیت اولماق اوزره بیر چوخ تشکیلاتینا سیزاراق گئرچک عمللرینی ۱۵ جولای ۲۰۱۶دا اورتایا چیخاران فئتؤنون قانلی چئوریلیش گیریشیمی، جمهورباشقانی رجب طیب اردوغانین چاغریسی اوزرینه تورکیه‌نین دؤرد بیر طرفین‌ده دموکراسییه صاحب چیخماق آدینا میدانلاری دولدوران وطنداشلارین دستگی ایله آرادان قالدیریلدی.
تورک میللتینین گؤستردیگی جسارت و قرار‌لیلیقلا الده ائدیله‌ن بو ظفر، دونیادا بنزری اولمایان بیر روح حالینی و دموکراسی شعورونو اورتایا قویدو.
تاریخه شانلی بیر دیرنیش اولاراق گئچه‌ن بو موباریزه‌ده تورکیه‌نین دؤرد بیر طرفین‌ده میدانلارا چیخان و اؤزونو تانکلارین، مرمی‌لرین اؤنونه آتان ۲۵۳ وطن سئودالی‌سی شهید اولدو.
تورکییه، ۱۵ جولای ظفرینین ۷.جی ایلین‌ده، وطن و بایراق اوچون گؤزونو قیرپمادان شهادته گئدن شهیدلرینی رحمتله خاطیرلاییر.
ظفرله نتیجه‌لنه‌ن بو معنالی دیرنیشی و موباریزه روحونو توپلومسال یادداش‌دا هر دایم دیری توتماق مقصدیله ده "۱۵ جولای دموکراسی و میللی بیرلیک گونو" هر ایل دقتله حاضرلانان موختلیف فعالیتلرله آنیلیر.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
