اردوغان:"تورک دونیاسی ایله باغلی یئنی لاییحه‌لره ایستارت وئردیک"
جمهور باشقانی رجب طیب اردوغان دئدی کی، نه تورکیه، نه ده قوزیی قیبریس تورک جمهوریتی اونلارین حقوق‌لاری‌نین غصب ائدیلمه‌سینه ایجازه وئرمه‌یه‌جک.
جمهور باشقانی رجب طیب اردوغان دئدی کی، نه تورکیه، نه ده قوزیی قیبریس تورک جمهوریتی اونلارین حقوق‌لاری‌نین غصب ائدیلمه‌سینه ایجازه وئرمه‌یه‌جک.
جمهور باشقانلیغی ساراییندا ناظیرلر کابینه‌سی‌نین ایجلاسیندان سونرا خالقا مراجعت ائدن جمهور باشقانی رجب طیب اردوغان قوزیی قیبریس تورک جمهوریتی و آذربایجان سفرلرینه ده توخونا‌راق دئییب: "قوزیی قیبریس تورک جمهوریتی‌نین پرزیدنتی ارسین تاتارلا گؤروشوموزده قیبریس مسئله‌سینه گوجلو دستکیمیزی آچیق شکیلده ایفاده ائتدیک. تورک میللتی‌نین آیریلماز بیر پارچاسی اولان قیبریس تورک خالقی ایله چیگین-چیگینه موباریزه‌میز سوره‌جک. "وطن"له "اولاد" آراسینداکی اینتگراسیونو درینلش‌دیرمک اوچون هر جور حقوقی، اقتصادی و سیاسی آددیم‌لاری آتاجاغیق. نه تورکیه، نه ده قیبریس جمهوریتی حقوق‌لاری‌نین غصب ائدیلمه‌سینه اصلا ایجازه وئرمه‌یه‌جک.
آذربایجانین پایتاختی باکی-دا اؤلکه پرزیدنتی ایلهام علی یئو ایله گؤروشوموز زامانی ایسه ایکی طرف‌لی علاقه‌لری هر ساحه‌ده اینکیشاف ائتدیره‌جک بیر چوخ مهم قرارلار آلدیق.
بیز ائرمنیستان ایله داوام ائدن نورماللاشما پروسه‌سینی دستکلییریک. بؤلگه‌میزده باریش و ثابیتلیگین برقرار اولماسی ایله باغلی گؤزلنتی‌لریمیز وار. 30 ایله یاخین ایشغال‌دان سونرا بو گون قاراباغ-دا آذربایجان بایراغی‌نین غرورلا دالغالاندیغینی گؤروروک. جان آذربایجان ایله علاقه لریمیزی اقتصادی و سیاسی انتگراسیون مدلینه چئویرمک اوچون داها چوخ چالیشاجاغیق. تخمینن 1،5 عصر اول مرحوم ایسماعیل بی قاسپیرا‌لی‌نین دئدیگی کیمی "دیلده، فیکیرده، ایشده بیرلیک" هدفی ایله آذربایجان ایله علاقه‌لریمیزی داها دا گوجلندیرجییک. تورک دونیاسی ایله باغلی یئنی لاییحه‌لره ایستارت وئردیک".
