جمهور باشقانی اردوغان وطنه قاییتدی

پرزیدنت سئچیلدیک‌دن سونرا قوزیی قیبریس تورک جمهوریتینه و داها سونرا آذربایجانا سفر ائدن پرزیدنت رجب طیب اردوغان وطنه قاییدیب.

پرزیدنت رجب طیب اردوغانی داشییان ''TC TUR'' اوچاغی یئرلی واختلا ساعات 18.18-ده ائسنبوغا هاوا لیمانینا ائنیش ائدیب.

جمهور باشقانی رجب طیب اردوغانی هاوا لیمانیندا باشقان یاردیمجیسی جودت ییلماز، آنکارا والیسی واسیپ شاهین و دیگر رسمی شخص‌لر قارشیلاییب‌لار.

پرزیدنت رجب طیب اردوغان و خانیمی امینه اردوغانی آذربایجان سفرینده خاریجی ایشلر ناظیری هاکان فیدان، انرژی و طبیعی قایناقلار  ناظیری آلپارسلان بایراکتار، میللی ساوونما ناظیری یاشار گولر، اولاشدیرما و آلت یاپی ناظیری عبدالقادیر اورال‌اوغلو، عدالت و اینکیشاف پارتیاسی‌نین صدر معاوینی و سؤزچوسو عمر چلیک، جمهورباشقانلیغی ایله‌تیشیم ایداره‌سی‌نین رهبری فخرالدین آلتون، میللی کشفیات تشکیلاتی‌نین رهبری ابراهیم کالین، ساوونما صنایعسی رهبرلیگی‌نین صدری هالوک گؤرگون و پرزیدنتین باش مشاویری آکیف چاغاتای کیلیچ همراهلیق ائدیب‌لر.