آختاریلان تروریست میت طرفیندن ضررسیزلشدیریلدی
پلیس مأمورو فتحی سئکینین شهید اولدوغو ایزمیر عدلیه‌سینه قارشی سالدیرینین تاپشیریغینی وئره‌ن تروریست عبدالقهار قاراساچ عراقین قوزئیینده ضررسیز حالا گتیریلدی
میللی استخبارات تشکیلاتی (میت)، ۶ ایل اؤنجه پلیس مأمورو فتحی سئکینین شهید اولدوغو ایزمیر عدلیه‌سینه قارشی سالدیرینین تاپشیریغینی وئره‌ن بؤلوجو ترور هؤرگوتو پ‌کاکا/کاج‌کانین سؤزده مسئوللارین‌دان عبدالقهار قاراساچی عراقین قوزئیینده ضررسیز حالا گتیردی.
گوونلیک قایناقلارین‌دان آلینان معلوماتا گؤره، پلیس مأمورو فتحی سئکینین و عدلیه کاتیبی موسی جانین شهید اولدوغو ۲۰۱۷ده‌کی ایزمیر عدلیه‌سی سالدیریسینین تاپشیریغینی وئردیگی معین اولان "علیشئر چیا" کد آدلی تروریست عبدالقهار قاراساچ، میت طرفیندن تعقیبه آلیندی.
سؤز قونوسو سالدیرینین پلانلاییجیلارین‌دان اولان و تروردان آختاریلانلار لیستینده بوز کتگوریده آختاریلان تروریستین، بؤلوجو ترور هؤرگوتو پ‌کاکا/کاج‌کانین سؤزده اؤزل گوج بیریمین‌ده مسئول سویه‌ده فعالیت گؤستردیگی معین ائدیلدی.
تروریست قاراساچ، میتین عراقین قوزئیینده تشکیل ائتدیگی عملیات‌دا ضررسیزلشدیریلدی.
عراق و سوریه‌نین قوزئیینده ترور فعالیتلرینه قاتیلان تروریست عبدالقهار قاراساچین یورد ایچینه قارشی ماکت اوچاق و اینسانسیز هاوا آراجی سالدیریلارینین دا پلانلاییجی‌سی و تطبیق ائدیجی‌سی اولدوغو بیلدیریلدی.
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
