تورکیه، فنلاند و سوئد ییغینجاغی آنکارادا ائدیلهجک
اورتاق مکانیزمین دؤردونجو ییغینجاغی، جمهورباشقانی باش مشاویری ائلچی عاکیف چاغاتای قیلیجین ائو صاحیبلیگینده، ۱۴ ژوئنده جمهورباشقانلیغیندا گئرچکلشدیریلهجک
تورکیه، فنلاند، سوئد دائمی اورتاق مکانیزمینین دؤردونجو ییغینجاغی باشکند آنکارادا ائدیلهجک.
جمهورباشقانلیغی ایلهتیشیم باشقانلیغیندان وئریلهن آچیقلامایا گؤره، تورکیه، فنلاند، سوئد و ناتو هیئتلرینین ایشتیراک ائدهجگی، اوچلو آنلاشمایا اویغون اولاراق تاسیس ائدیلهن دائمی اورتاق مکانیزمین دؤردونجو ییغینجاغی، جمهورباشقانی باش مشاویری ائلچی عاکیف چاغاتای قیلیجین ائو صاحیبلیگینده، ۱۴ ژوئن ۲۰۲۳ده جمهورباشقانلیغی ساراییندا گئرچکلشدیریلهجک.
ییغینجاغا، ناتو هیئتی باشقانی اولاراق ناتو باش کاتیبی کابینه رئیسی استیان جنسن، سوئد هیئتی باشقانی اولاراق سوئد خاریجی ایشلر باخانلیغی دؤولت کاتیبی ائلچی ژان کوتسون و فنلاند هیئتی باشفانی اولاراق دا فنلاند خاریجی ایشلر باخانلیغی دائمی دؤولت کاتیبی یوکا سالوارا قاتیلاجاق.
روسیانین اوکراینایا سالدیریسیندان سونرا ناتویا عضولوک مراجعتی ائدن سوئد و فنلاند ایله تورکیه آراسیندا، ۲۸ ژوئنده اسپانیانین باشکندی مادریدده تشکیل ائدیلهن ناتو ذیروهسینده تورکیهنین قایغیلارینی آرادان قالدیرماغا دایر اوچلو متن ایمضالانمیشدی.
تورکیه، قایغیلاری آرادان قالدیران فنلاندین ناتو عضولوگونو اونایلارکن، ترورا دستک وئرهن سوئدی وتو ائدیر.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.