یاسین اکرم سریم‌دن عیرقچی لیگ ایله موباریزه وورغوسو
یاسین اکرم سریم باتی اؤلکه‌لرینده آرتان عیرقچی‌لیک، خاریجی دوشمنچیلیگی و ایسلامافوبی‌یه دقت چکیب.
خاریجی ایشلر ناظیری‌نین معاوینی یاسین اکرم سریم باتی اؤلکه‌لرینده آرتان عیرقچی‌لیک، خاریجی دوشمنچیلیگی و ایسلامافوبی‌یه دقت چکه‌رک، تورکیه-نین بون‌لارا قارشی موباریزه‌سینی داوام ائتدیرجگینی بیلدیریب.
سریم، آلمانیانین سولینگن شهرینده 29 می 1993-جو ایلده عیرقچی‌لر طرفیندن یان‌دیریلان ائوده 5 تورکون هلاک اولماسی‌نین 30-جو ایلدؤنومو ایله علاقه‌دار کئچیریلن آنیم مراسیمیندن سونرا مطبوعاتا وئردیگی آچیقلامادا دئییب:
"سولینگن هوجومون‌دان سونرا 30 ایل عرضینده 50-دن چوخ اینسانیمیزی عیرقچی، خاریجی دوشمنچیلیگی هوجوم‌لاردا قوربان وئردیک. مسلمان‌لار آلمانیادا ان آز قبول ائدیلن آزلیق‌لار سیراسیندا‌دیر".
سریم 2022-جی ایلده آلمانیادا مسلمان‌لارا قارشی 364 نیفرت جینایتی‌نین تؤردیلدیگینه دقت چکه‌رک دئییب کی، هر ایل کئچیریلن مراسیم‌لرده ائدیلن چیخیش‌لارا باخمایا‌راق، عیرقچی‌لیک، خاریجی دوشمنچیلیگی و ایسلاموفوبی‌نین بوتون باتی اؤلکه‌لرینده داها اول گؤرولمه‌میش بیر شکیلده یاییلدیغینی گؤروروک. ایفاده آزادلیغی آدی آلتیندا مقدس کیتابیمیز قورانا، بایراغیمیزا قارشی حیاتا کئچیریلن آلچاق هوجوم‌لار قبول ائدیلمزدیر. تورکیه جمهوریتی دؤولتی اولا‌راق بو فلاکت‌لرله موباریزه‌ده قرارلیییق و کونکرت نتیجه‌لر الده ائتمک اوچون هر جور امکداشلیغا حاضیر اولدوغوموزو بوتون علاقه لی اورقان‌لارا چات‌دیریریق. باتی اؤلکه‌لریندن بوتون بشریتی تهدید ائدن بو میل‌لره قارشی کونکرت آدیم‌لار گؤزلییریک.
