اردوغان: تورکیه‌نین سرحدلری هئچ اولمادیغی قدر گوونده
"سوریه‌لیلرین گووه‌ن اورتامی ایچین‌ده اؤلکه‌لرینه دؤنوشونو تامین ائتمه چاباسی ایچری‌سینده اولاجاغیق"
جمهورباشقانی رجب طیب اردوغان، سوریه‌لیلرین اؤلکه‌لرینه دؤنوشلری اوچون پروژه‌لر یئریتدیکلرینی ایفاده ائد‌رک،
"۱ میلیون سیغیناچینین اورالارا قاییداجاغینا دایر پلانیمیز وار" دئدی.
جمهورباشقانی اردوغان، تورکیه رادیو تلویزیون قورومونون (ت‌رت) اورتاق یایینیندا گونده‌مه باغلی سواللاری جاوابلاندیردی.
اردوغان، اؤلکه‌لرین‌ده‌کی ایچ ساواشدان قاچاراق تورکیه‌یه سیغینان سوریه‌لیلرین گوونلی دؤنوشلرینه دایر ایشلر گؤردوکلرینی وورغولادی.
گوونلی دؤنوشلر اوچون سوریه‌نین قوزئیینده بریکت ائولر تیکدیکلرینی، بو آنا قدر ۵۶۰ مین سوریه‌لینین اؤلکه‌لرینه قاییتدیغینی خاطیرلادان اردوغان،
"هدف‌ده ۱ میلیون سیغینماچینین دا اورالارا قاییداجاغینا دایر پلانیمیز وار. طبیعی بو زامانلا گئرچکلشه‌جک. سوریه‌لیلرین گووه‌ن اورتامی ایچین‌ده اؤلکه‌لرینه دؤنوشونو تامین ائتمه چاباسی ایچری‌سینده اولاجاغیق" دئدی.
سرحدلرین سون تکنولوژیلرله تجهیز ائدیلدیگینی ایفاده ائد‌ن اردوغان،
"تورکیه‌نین سرحدلری هئچ اولمادیغی قدر گوونده" ایفاده‌لرینی ایشلتدی.
سوریه‌نین قوزئیینده‌کی تورک عسگری وارلیغینین داوام ائدجگی ایشاره‌سینی وئره‌ن اردوغان،
"سوریه‌نین قوزئییندن عسگرلری چکرسه‌نیز هم گوونلی اولماز هم کؤچلر داها دا آرتار" شکلینده دانیشدی.
بؤلوجو ترور هؤرگوتو پ‌کاکایا قارشی باشاریلی بیر موباریزه ایجرا ائدیلدیگینه ایشاره ائد‌ن جمهورباشقانی،
"پ‌کاکا و اوزانتیلارینا قارشی موباریزه‌میزی یورد ایچی و یورد دیشیندا داوام ائتدیرمه‌یه قرارلیییق. هینلرینی باشلارینا ییخدیق، ییخیریق و ییخاجاغیق" دئدی.
ایلگیلی‌لی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو باره‌ده تورکیه-نین نقلیات و آلت یاپی ناظیرلیگیندن معلومات وئریلیب.
