نیویورکداکی تورک ائوینه قارشی سالدیرییا سرت تپکی
"تورک ائوی اورادا سیزه بیر امانت‌دیر. بو تروریستی تاپمانیز لازیم‌دیر"
جمهورباشقانی رجب طیب اردوغان، آمریکا بیرلشمیش دؤولتلرینین نیویورک شهرین‌ده‌کی تورک ائوینه قارشی سالدیرییا سرت تپکی وئردی.
جمهورباشقانی اردوغان، ایستانبول‌دا دانیشدی.
نیویورک‌دا تورک ائوینه ائدیله‌ن سالدیرینی قینایان اردوغان،
"چوخ تأسف کی بونلار (باتی اؤلکه‌لری) قاتیللره یولو آچاراق اونلارا کؤمکچی اولدولار. سؤز قونوسو مسلمانین و تورکون حیاتی اولونجا ظلمو انگللمه‌ک یئرینه هامی سسسیز قالدی. آوروپادا پ‌کاکا باخدی کی ایش پیسه گئدیر سئچیجیلره سالدیرمایا باشلادی. یئتمه‌دی آمریکادا بیرلشمیش میللتلرین قارشیسین‌داکی تورک ائوینه هوجوم ائتدیلر، شوشه‌لرینی قیردیلار" دئدی.
آمریکالی مقاملارا سسلنه‌ن اردوغان،
"تورک ائوی اورادا سیزه بیر امانت‌دیر. بو تروریستی تاپمانیز لازیم‌دیر" شکلینده دانیشدی.
خاریجی ایشلر باخانی مؤولود چاووش‌اوغلو دا سوسیال مئدیادان ائتدیگی پایلاشیمدا سالدیرییا تپکی وئردی.
سالدیرینی "آلچاقجا" اولاراق تانیملایان چاووش‌اوغلو، فاعللرین بیر آن اول معین ائدیلمه‌سینی آرزو ائتدی.
آمریکا خاریجی ایشلر باخانلیغی سؤزچوسو مت میلر ده تورک ائوینه قارشی واندالیزمی قینادیقلارینی، بونون جزا طلب ائد‌ن بیر سوچ اولدوغونو ایفاده ائتدی.
میلر، خاریجی ایشلر باخانلیغینین دیپلوماتیک گوونلیک خیدمتینین سوروشدورما چرچیوه‌سینده یئرلی امنیت گوجلری ایله چالیشدیغینی سؤیله‌دی.
سالدیرینین آردین‌دان تورک ائوینیه گئدن نیویورک بلدیه باشقانی اریک آدامز دا بو قونویلا شخصاً ماراقلاناجاغینی بیلدیردی.
بیرلشمیش میللتلر ده آمریکادا تورک ائوینه تشکیل ائدیله‌ن سالدیرینی قینادی.
بیرلشمیش میللتلر باش کاتیب سؤزچو کؤمکچی‌سی فرحان حاق، بو قونویا باغلی وئردیگی آچیقلامادا،
"بوتون دیپلوماتیک یئرلشکه‌لره قارشی سالدیریلاری قیناییر، نیویورکداکی ایلگیلی مقاملارین حادثه‌نی احاطه‌لی بیر شکیل‌ده آراشدیرماسینی گؤزله‌ییریک" ایفاده‌لرینی ایشلتدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
