ت‌ج‌گ آنادولو گمیسی خالقی آغیرلاییر
ت‌ج‌گ آنادولو، دمیر آتدیغی ایستانبول سارای‌بورنو لیمانین‌دا قوناقلارینی آغیرلاییر
دنیز گوجلری قوموتانی اورآمیرال ارجومنت تاتلی‌اوغلو، ۱۰ آوریل‌ده خیدمته گیره‌ن تورکیه‌نین ان بؤیوک عسگری گمیسی ت‌ج‌گ آنادولودا آراشدیرمالار آپاردی، دنیزچیلرله بیر آرایا گلدی.
میللی ساوونا باخانلیغینین سوسیال مئدیا حسابین‌دان ائدیله‌ن پایلاشیمدا،
"بودور، غوروموز و قهر‌مانلاریمیز. دنیز گوجلری قوموتانی اورآمیرال ارجومنت تاتلی‌اوغلو، قیسا مدت اؤنجه خیدمته گیره‌ن و بو گون ده وطنداشیمیزا آچیلان ت‌ج‌گ آنادولودا قهرمان دنیزچیلریمیزله بیر آرایا گلدی" ایفاده‌لرینه یئر وئریلدی.
بو آرادا، ت‌ج‌گ آنادولو، دمیر آتدیغی ایستانبول سارای‌بورنو لیمانین‌دا قوناقلارینی آغیرلاییر.
ایچینده دونیانین ایلک سلاحلی اینسانسیز هاوا آراجینین (سیها) دا یئر آلدیغی گمینی گزمک اوچون لیمان گیریشین‌ده گؤزله‌یه‌ن چوخ ساییدا وطنداش اوزون سیرالار اولوشدوردو.
گمینین عسگری گؤره‌و‌لیلری طرفیندن ایچری آلینان وطنداشلار، گونون خاطره‌سینه خاطره شکلی چکدیردی.
گمی، ۱۸-۲۳ آوریل‌ده ۱۰.۰۰-۱۸.۰۰ ساعاتلاری آراسیندا گزیله‌بیله‌جک.
ت‌ج‌گ آنادولو گمیسی، ۲۴ آوریل‌ده ایستانبول بوغازین‌دان گئچه‌رک وطنداشلاری سلاملایاجاق.
