جمهور باشقانی اردوغان "تیسیجی آنادولو" گمیسینی گزیب
دونیانین ایلک سلاحلی پیلوتسوز اوچوش آپاراتی (سیها) گمیسی "تیسیجی آنادولو" مراسیمله دنیز قوهلری قوموتانلیغینا تحویل وئریلدیکدن سونرا جمهور باشقانی اردوغان گمینی گزیب.
دونیانین ایلک سلاحلی پیلوتسوز اوچوش آپاراتی (سیها) گمیسی "تیسیجی آنادولو" مراسیمله دنیز قوهلری
قوموتانلیغینا تحویل وئریلدیکدن سونرا جمهور باشقانی اردوغان گمینی گزیب.
ایستانبول-ون توزلا بؤلگهسینده گمیده تدقیقات آپاران دؤولت باشچیسی گؤیرتهدهکی پیست ده حاضیر گوزلهین پیلوتسوز میللی دؤیوش اوچاغی "قیزیل آلما"نی دا یوخلاییب.
جمهور باشقانی اردوغان "بایکار" شیرکتینین رهبری سلجوق بایراکتاردان "قیزیل آلما"نین گمیدن ایلک اوچوش تاریخینی سوروشوب.
"گمیدن اوچوش دستکی داوام ائدیر. اومید ائدیرم کی، ائنیش-قالخیش 2025-جی ایلده اولاجاق"، -دئیه سلجوق بایراکتار قئید ائدیب.
داها سونرا جمهور باشقانی اردوغان "قیزیل آلما" قارشیسیندا خاطره شکلی چکدیریب.
جمهور باشقانی کاپیتان بؤلمهسینده قوناقلار اوچون حاضیرلانان خاطره دفترینی ده ایمضالاییب.
جمهور باشقانی اردوغان سوسیال مدیا حسابیندا ائتدیگی پایلاشیمدا ایسه،
"دونیانین ایلک سیها گمیسی "تیسیجی آنادولو"نو رسمی اولاراق خدمته وئردیک. بیزه بو غرورو یاشادان و بو بؤیوک اوغوردا امگی اولان هر کسه تشککور ائدیرم" دئییب.
قئید ائدک کی، دونیادا بو میقیاسدا گمیلری اولان 12 اؤلکه وار. "تیسیجی آنادولو"نون اوزونلوغو 231 متر، ائنی ایسه 32 متردیر. ماکسیموم یوک دییشمه قابیلیتی 27 مین 436 تون اولان گمی 13 تانک، 27 زرهی هوجوم ماشینی، 6 زرهی نفربر، 33 موختلیف تجهیزات و 15 تریلر اولماقلا عمومیلیکده 94 نقلیات واسیطهسینی گؤیرتهسینده داشییا بیلیر.
گمینین اوچوش گؤیرتهسینه 10 هلیکوپتر و یا 11 پهپاد یئرلشدیریله، آنقاردا ایسه 19 هلیکوپتر و یا 30 پهپاد داشینا بیلر. گمی 1223 پرسنلی قبول ائدهجک.