تورکیه آوروپا بیرلیگینه رئاکسیا گؤستریب

خاریجی ایشلر ناظیرلیگی آوروپا پارلامئنتی بیناسیندا پ.کا.کا/پ.ی.د/ی.پ.گ ترور تشکیلاتی‌نین دیرناقاراسی باشچی‌لاری و دستکچی‌لری‌نین تورکیه علیهینه تدبیر کئچیرمه‌سینی سرت شکیلده قیناییب.

خاریجی ایشلر ناظیرلیگی‌نین بیاناتیندا دئییلیر: "آوروپا پارلامئنتی بیناسیندا پ.کا.کا/پ.ی.د/ی.پ.گ ترور تشکیلاتی‌نین دیرناقاراسی باشچی‌لاری و دستکچی‌لری‌نین اؤلکه‌میز علیهینه تدبیر کئچیرمه‌سینی سرت شکیلده قیناییریق".

ناظیرلیک‌دن وئریلن یازیلی آچیقلامادا آوروپا بیرلیگی‌نین ترور تشکیلات‌لاری سیاهی‌سیندا اولان و تورکیه-نین اراضی بوتؤو‌لوگونو هدف آلان بیر ترور تشکیلاتی‌نین تبلیغاتینا خیدمت گؤسترن بو جور فعالیت‌لره ایجازه وئریلمه‌سی‌نین قبول ائدیلمز اولدوغو وورغولانیب.

"بو وضعیت آوروپا بیرلیگی-نین ترورلا موباریزه‌دکی ایکی یوزلولوگونو و غیری-صمیمی‌لیگینی بیر داها اورتایا قویور. اؤلکه‌میزین آدینی چکه‌رک مشروعیت قازانماغی هدفله‌ین بو فعالیته یول وئریلمه‌سی آوروپا بیرلیگی-نین اولوسلار آراسی عهده لیک‌لرینه ده ضیددیر"، - دئیه بیاناتدا قئید اولونوب.

تورکیه-نین آیری-سئچکی‌لیک ائتمه‌دن بوتون ترور تشکیلات‌لارینا قارشی موباریزه‌سینی قطعیت ایله داوام ائتدیرجگی وورغولانا‌راق، اولوسلار آراسی تهلوکه‌سیزلیگه تهدید یارا‌دان ترورلا موباریزه‌ده آوروپا بیرلیگی قوروم‌لاری‌نین و عضو دؤولت‌لرین تورکیه-نین یانیندا اولماسی‌نین گؤزله‌نیلدیگی دقته چاتدیریلیب.