تورکیه‌دن آوروپا بیرلیگینه پ‌کاکا تنقیدی
"پ‌کاکا یانداشلارینین، آوروپا پارلمانینا بو قدر آسانلیقلا گیره‌بیلمه‌لری و ایسته‌دیکلری کیمی گؤستری ائده‌بیلمه‌لری قبول ائدیلمزدیر"
تورکیه، بؤلوجو ترور هؤرگوتو پ‌کاکایا باغلی بیر قروپون آوروپا پارلمانینین باش قورولونونون فعالیتینی پوزدوغونو بیلدیره‌رک، بو ائیلمی قینادی.
خاریجی ایشلر باخانلیغی آوروپا پارلمانینین باش قورول اوتورومو سیراسیندا تروریست باشی عبدالله اؤجالانین پوسترلرینی آچاراق شعارلار سسلندیره‌ن بؤلوجو ترور هؤرگوتو پ‌کاکا یانداشلارینا موداخیله ائدیلمه‌مه‌سی ایله باغلی بیر آچیقلاما وئردی.
بؤلوجو ترور هؤرگوتو پ‌کاکایا باغلی بیر قروپون آوروپا پارلمانینین باش قورول توپلانتیسی سیراسیندا گؤستری دۆزنله‌دیگی و یاساما فعالیتلرینی بالتالادیغی خاطیرلادیلان آچیقلامادا،
"بو شخصلرین، آوروپا پارلمانینا بو قدر آسانلیقلا گیره‌بیلمه‌لری و ایسته‌دیکلری کیمی گؤستری ائده‌بیلمه‌لری قبول ائدیلمزدیر. بو شخصلره در حال موداخیله ائدیلمه‌مه‌سی ایسه غریبه‌دیر. شدتلی شکیلده قینادیغیمیز بو حرکت، آوروپا بیرلیگینین و اونون یانیندا آوروپا پارلمانینین ترورلا موباریزه‌ده‌کی عاجیزلیگینی و صمیمیتسیزلیگینی اورتایا قویور.
آوروپا پارلمانی و دیگر آوروپا بیرلیگی قوروملاری بو لاقید توتوملارینی داوام ائتدیردیکجه پ‌کاکانین آوروپا بیرلیگینین ترور لیستینده اولماسینا باخمایاراق، آوروپا بیرلیگی ایچینده وارلیغینا و فعالیتینه سون قویماق ممکون اولماز. ترور هؤرگوتونون عضوو اولان بو شخصلرین پارلمان بیناسینا کیم و یا کیملر واسطه‌سی گیردیکلری مطلق سورغولانماسی لازیم اولان بیر ضعفدیر.
بنزر بیر پ‌کاکا تخریباتیندان سونرا آوروپا پارلمانی باشقانلیق دفترینین ۲۱ نوامبر ۲۰۱۷-جی ایل تاریخینده سس بیرلیگی ایله آلدیغی قرارلا، آوروپا بیرلیگینی ترور هؤرگوتلری لیستینده یئر آلان ترور هؤرگوتلری ایله باغلانتیسی اولان شخصلرین و قروپلارین آوروپا پارلمانی بینالارینا گیریشی قاداغان ائدیلمیشدی. ب آوروپا پارلمانینین داها اؤنجه قبول ائتدیگی بو قراری بو گون ده جدی شکیلده یئرینه یئتیرمه‌سینی گؤزله‌ییریک" دئیلدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
