چاووش‌اوغلو: ارمنیستان خالقیمیزا دوستلوق الینی اوزاتدی
چاووش‌اوغلو، ارمنیستان آختارما قورتارما اکیبینین ۸ فوریه‌دن بو یانا آدی‌یامان‌دا جانلا باشلا چالیشدیغینی دیله گتیردی
خاریجی ایشلر باخانی مؤولود چاووش‌اوغلو،
"ارمنیستان، بو چتین گونوموزده خالقیمیزا دوستلوق الینی اوزاتدی، دایانیشما و امکداشلیق اورتایا قویدو" دئدی.
مؤولود چاووش‌اوغلو، ارمنیستانین خاریجی ایشلر باخانی آرارات میرزویانلا باشکند آنکارادا خاریجی ایشلر باخانلیغینداکی گؤروشمه‌دن سونرا تشکیل ائدیله‌ن اورتاق مطبوعات توپلانتیسیندا دانیشدی.
زلزله‌لردن سونرا ارمنیستانین تورکیه‌یه ۲۸ نفرلیک آختارما قورتارما اکیبی گؤندردیگینی قید ائد‌ن چاووش‌اوغلو، ارمنیستان اکیبینین ۸ فوریه‌دن بو یانا آدی‌یامان‌دا جانلا باشلا چالیشدیغینی دیله گتیردی.
چاووش‌اوغلو، ارمنیستان آختارما قورتارما اکیپلرینین بالاجا بیر قیزی و بیر قادینی قورتاردیغینی بیلدیررک،
"اونلارا دا چوخ تشکر ائتمک ایسته‌ییرم. گئرچکدن جانلا باشلا چالیشدیلار و وطنداشلاریمیزی قورتاریرکن ده نه قدر سئوینجلی اولدوقلارینی گؤردوک" دئدی.
ارمنیستانین تورکیه‌یه ۱۰۰ تونلوق اینسانی یاردیم گؤندردیگینی، قونومداشی میرزویانین ایسه بوگونکو گؤروشمه‌ده علاوه یاردیملار گؤندره‌جکلرینی بیلدیردیگینی قید ائد‌ن چاووش‌اوغلو، ارمنیستانین تورکیه‌دن داواملی اولاراق باشقا ایسته‌کلرینین اولوب اولمادیغینی سوروشدوغونو ایفاده ائتدی.
چاووش‌اوغلو، "ارمنیستان بو چتین گونوموزده خالقیمیزا دوستلوق الینی اوزاتدی، دایانیشما و امکداشلیق اورتایا قویدو" دئییه‌رک، ارمنیستانین ۱۹۹۹-جو ایلده گؤلجوک زلز‌له‌سیندن سونرا دا تورکیه‌یه اینسانی یاردیم گؤندردیگینی خاطیرلاتدی.
ارمنیستانین خاریجی ایشلر باخانی میرزویان دا،
«بو چتین گونلرده تورکیه‌ده اولماقلا سبیر دفعه داها باریشین قورولماسی قونوسونداکی ایسته‌ییمیزی تصدیقله‌مک ایسته‌ییرم" دئدی.
۶ فوریه‌ده قهرمان ماراش‌دا باش وئره‌ن و ۱۰ بؤلگه ایله سوریه‌نی ووران ۷،۷ و ۷،۶ بؤیوکلوگونده‌کی زلز‌له‌لرده مینلرجه اینسانین حیاتینی ایتیررکن، بو زلزله‌لر "عصرین فلاکتی" اولاراق تانیملانیر.
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
