تورکیه مکزیکا سناتینین قرارینی سرت شکیلده پیسلهییب
تورکیه مکزیکا سناتینین 1915-جی ایل حادثهلری ایله باغلی ائرمنی ادعالارینی تانییان قرارینی سرت شکیلده پیسلهییب.
تورکیه مکزیکا سناتینین 1915-جی ایل حادثهلری ایله باغلی ائرمنی ادعالارینی تانییان قرارینی سرت شکیلده پیسلهییب.
تورکیه خاریجی ایشلر ناظیرلیگی مکزیکا سناتینین سؤزوگئدن قراری ایله باغلی یازیلی آچیقلاما یاییب.
آچیقلامادا "مکزیکا سناتینین 8 فوریه 2023-جو ایلده قبول ائتدیگی و 1915-جی ایل حادثهلرینین "سوی قیریم" کیمی تانینماسی قراری تاریخی سیاسی موتیولرله یئنیدن یازماق اوچون اعتبارسیز بیر جهددیر. بو قراری رد ائدیر و سرت شکیلده قیناییریق. خاطیرلادیریق کی، قانون وئریجی اورقانلارین تاریخی شرح ائتمک و محاکیمه ائتمک صلاحیتی یوخدور" ایفادهلریندن ایستیفاده ائدیلیب.
آچیقلامادا قئید اولونوب کی، سؤزوگئدن جهد بیرلشمیش میللتلر تشکیلاتینین (بمت) سوی قیریمین قارشیسینین آلینماسی و جزالاندیریلماسی حاقیندا کنوانسیونون و آوروپا اینسان حاقلاری محکمهسینین (آیهم) 1915-جی ایل حادثهلرینین قانونی بیر موباحیثه مؤوضوعسو اولدوغونو تصدیق ائدن قرارلارینی آچیق شکیلده پوزور. بو قرارین تورکیه-ده زلزلهده آختاریش-قورتارما ایشلرینین آپاریلدیغی دؤوره تصادف ائتمهسینین تأسف دوغوردوغو و بونون تورکیه-مکزیکا دوستلوغونا سیغمادیغی دا وورغولانیب.
آچیقلامادا "مکزیکا سناتینی تاریخدن دوشمنچیلیک یاراتماغا چالیشان بعضی دایرهلرین گوندمینه خیدمت گؤسترمک عوضینه، بو سهو آددیمی دوزلتمهیه دعوت ائدیریک" دئییلیب.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.