دونیادان تورکیهیه باشساغلیغی مئساژلاری گلیر
دونیانین بیر چوخ اؤلکهسیندن تورکیهده باش وئرن ۷،۷ بؤیوکلوگوندهکی زلزله سببی ایله باشساغلیغی و دستک مئساژلاری گلیر
اسرائیل جمهورباشقانی اسحاق هرتزوگ زلزلهده حیاتینی ایتیرهنلر اوچون باشساغلیغی مئساژی یاییملایاراق، اسرائیلین کؤمک ائتمهیه حاضر اولدوغونو آچیقلادی.
ماجاریستان جمهورباشقانی کاتالین نوواک، سوئد خاریجی ایشلر باخانی توبیاس بیلستروم، لتونی خاریجی ایشلر باخانی ادگارس رینکویچ، فرانسانین خاریجی ایشلر باخانی کترین کولونا، ایتالیانین باشباخانی جورجیا ملونی، ایتالیانین باشباخان یاردیمچیسی و خاریجی ایشلر باخانی آنتونیو تایانی، هلندین باشباخانی مارک روت، هلندین خاریجی ایشلر باخانی وپک هوکسترا و آلمانیانین خاریجی ایشلر باخانی آنالینا بائربوک، لیبی باشباخانی عبدالحمید دبیبه، لیبی خاریجی ایشلر باخانی نجلا منقوش و ایران خاریجی ایشلر باخانلیغی سؤزچوسو ناصر کنعانی، زلزلهده حیاتینی ایتیرهنلرین عائلهلرینه و یاخینلارینا باشساغلیغی وئردی، یارالیلار اوچون ده عاجیل شفا آرزوسو ائتدی، تورکیهیه کؤمک ائتمهیه حاضیر اولدوغونو بیلدیردی.
مصر خاریجی ایشلر باخانلیغیندان وئریلهن یازیلی آچیقلامادا، تورکیه و سوریه خالقلارینا درین حوزونله باشساغلیغی وئریلدیگی، یارالیلارا عاجیل شفا دیلدیکلری بیلدیریلرک، مصرین «یاردیم ائتمهیه حاضر اولدوغو» ایفاده ائدیلدی.
ناتو باش کاتیبی ینس استولتنبرگ قهرمان ماراش مرکزلی زلزلهدن سونرا متفیقلرین، تورکیه ایله تام دایانیشما ایچینده اولدوقلارینی و یاردیملاری سفربر ائتدیکلرینی آچیقلادی.
باش کاتیب،
"تورکیه ایله تام دایانیشما ایچیندهییک. جمهورباشقانی (رجب طیب) اردوغان و خاریجی ایشلر باخانی (مؤولود) چاووشاوغلو ایله تماسدایام. ناتو متفیقلری حاضردا دستک اوچون سفربر اولموش دورومدادیر" ایفادهلرینی ایشلتدی.
روسیا فؤوقالعاده حاللار باخانلیغی زلزله ندنی ایله تورکیهیه ایکی ایال-۷۶ اوچاغی ایله ۱۰۰ نفرلیک آختارما قورتارما قروپونون گؤندریلمهیه حاضر اولدوغونو بیلدیردی.
باخانلیقدان وئریلهن یازیلی آچیقلامادا، روسیانین فؤوقالعاده حاللار باخانی آلکساندر کورنکووون گؤستریشی ایله ۱۰۰ نفرلیک آختارما قورتارما قروپونون تورکیهیه گؤندریلمک اوچون حاضر وضعیتده اولدوغو بیلدیریلدی.
بونون اوچون ۲ ایال-۷۶ اوچاغینین حاضیرلاندیغی قید ائدیلهن آچیقلامادا، کورنکووون دگرلندیرمهلرینه ده یئر وئریلدی.
کورنکوو،
"روسیا فؤوقالعاده حاللار باخانلیغی، وطنداشلارینین چتین وضعیتده اولدوغو دوست بیر دؤولته کؤمک ائتمهیه هر زامان حاضردیر" ایفادهسینی ایشلتدی.
یونانیستان دا زلزله ندنی ایله تورکیهیه یاردیم گؤندرهجک.
یونانیستانین باباخانی کیریاکوس میچوتاکیس توییتر حسابیندان ائتدیگی پایلاشیمدا،
"یونانیستان قایناقلارینی سفربر ائدیر و تئزلیکله کؤمک ائدجک" ایفادهسینی ایشلتدی.
دونیا ساغلیق هؤرگوتو آوروپا مودورو هانس کلوژ دا تویتتر حسابیندان پایلاشدیغی مئساژدا، دونیا ساغلیق هؤرگوتو آوروپا عضوو اولان تورکیه ایله سوریهده باش وئرهن زلزلهده حیاتینی ایتیرهنلر اوچون باشساغلیغی وئردی.
کلوژ، "دونیا ساغلیق هؤرگوتو آوروپا، دا بو فاجعهیه موداخیلهده ساغلیق باخانلیغی و باخان فخرالدین قوجایا دستگینی ده تعهد ائدیر" ایفادهلرینی ایشلتدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی