تۆرکیهدن پاکیستانا باشساغلیغی
خاریجی ایشلر باخانلیغی، پاکیستاندا بیر مسجیدده تؤرهدیلهن ترور سالدیریسینی ان سرت شکیلده قینادی
1939712
تۆرکیه، پاکیستاندا بیر مسجیدده تؤرهدیلهن ترور سالدیریسینی ان سرت شکیلده قینادی.
خاریجی ایشلر باخانلیغیندان وئریلهن آچیقلامادا، پیشاور شهرینده بیر مسجیدی هدف آلان ترور سالدیریسیندا چوخ ساییدا وطنداشین حیاتینی ایتیردیگی و یارالاندیغینین بؤیوک اۆزوتو ایله اؤیرنیلدیگی بیلدیریلدی.
آچیقلامادا،
«سؤزوگئدن منفور ترور سالدیریسینی ان گۆجلو شکیلده قیناییر، سالدیریدا حیاتینی ایتیرهنلره اللهدان رحمت، دوست و قارداش پاکیستان حکومتینه و خالقینا باشساغلیغی، یارالانانلارا عاجیل شفالار دیلهییریک» ایفادهلرینه یئر وئریلدی.
پاکیستانین پیشاور شهرینده گۆن اورتا نامازی وسیراسیندا بیر مسجیده ائدیلهن انتیحار سالدیریسیندا آرالاریندا پلیسلرین ده اولدوغو چوخ ساییدا اینسان یاشامینی ایتیرمیش و یارالانمیشدی.