حولوصی آکار: "تورکیه ناتو-نون آچیق قاپی سیاستینی دستکلییر"
میللی ساوونما ناظیری حولوصی آکار تورکیه-نین ناتو-نون آچیق قاپی سیاستینی دستکلدیگینی بیلدیریب.
میللی ساوونما ناظیری حولوصی آکار تورکیه-نین ناتو-نون آچیق قاپی سیاستینی دستکلدیگینی بیلدیریب.
اینگیلتره‌نین ساوونما ناظیری بن والاس ایله گؤروشن حولوصی آکار لندون-داکی تماس‌لارینی تاماملایا‌راق چکیانین پایتاختی پراگا گئدیب.
ناظیر آکار تورکیه-نین پراگ-داکی سفیرلیگینده تورک ایجماسی و غیری -حکومت تشکیلات‌لاری‌نین نوماینده‌لری ایله گؤروشوب.
خاریجده یاشایان تورک‌لرین اوغورلاریندان ممنون‌لوغونو ایفاده ائدن ناظیر آکار تورک‌لرین بو اوغورلاری‌نین تورکیه-نین حاق سسینی دونیایا چاتدیردیغینی دیله گتیریب.
قبول‌دان سونرا ناظیر آکار گوندمله باغلی سوال‌لاری دا جاوابلاندیریب.
سوئد و فینلاندیانین ناتو-یا عضو‌لوگو ایله باغلی پروسه دایر سوا‌لی جاوابلان‌دیران آکار تورکیه-نین ناتو-نون آچیق قاپی سیاستینی دستکلدیگینی بیلدیریب.
ژوئن آییندا مادریدده ایمضالانان سندی خاطیرلا‌دان حولوصی آکار دئییب:
"سوئد و فینلاندیانین سنده‌کی عهده‌لیک‌لرینی یئرینه یئتیرمه‌دیگینی تعقیب ائدیریک. ترور تشکیلات‌لارینا دستکین دایاندیریلماسی و صادرات محدودیت‌لری‌نین آرا‌دان قالدیریلماسی اوچون کونکرئت آددیم‌لارین آتیلماسینی گؤزلییریک. خصوصیله ترورلا موباریزه تورک خالقی‌نین حساس‌لیقلا ایزله‌دیگی بیر مسئله‌دیر".
میللی ساوونما ناظیری حولوصی آکار سوئد-ین پایتاختی استکهلم-دا ترور تشکیلاتی پ.کا.کا/ی.پ.گ طرفدارلاری‌نین تخریباتی ایله باغلی سوالا جاوابن ایسه دئییب کی، ناتو-یا عضو اولماق ایسته‌ین بیر اؤلکه‌ده 70 ایللیک ناتو عضوو اولان اؤلکه‌نین پرزیدنتینه قارشی ترور تشکیلاتی طرفدارلاری‌نین تؤرتدیگی ایرنج حرکتی قطعیت ایله پیسلییریک. سوئدی عاجیل تدبیر گؤرمه‌یه دعوت ائدیریک. بونون قارشی‌سیندا سس‌سیز قالماق غیری-مومکون‌دور. اورا‌داکی پروسه لری ده یاخیندان ایزلییریک.
